الماتىدا اۋا رايىنىڭ ىستىق بولۋىنا بايلانىستى ءورت ءقاۋىپتى جاعداي ساقتالۋدا. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى تجد مەملەكەتتىك ءورت باقىلاۋ باسقارماسىنىڭ باسشىسى دانيار ءجۇسىپوۆ مالىمدەدى، دەپ حابارلايدى Almaty-akshamy.kz
«جاز-بۇل تابيعي ورتتەردىڭ پايدا بولۋ ءقاۋپى ايتارلىقتاي ارتاتىن ۋاقىت ەكەنى بارىڭىزگە بەلگىلى. ولار قورشاعان ورتاعا، ەكونوميكاعا جانە ادامداردىڭ دەنساۋلىعىنا ەلەۋلى زيان كەلتىرۋى مۇمكىن. اۋا-رايى بولجامىنا سايكەس، شىلدە ايىنىڭ سوڭىندا تەمپەراتۋرا 40 گرادۋسقا دەيىن كوتەرىلەتىن ىستىق اۋا-رايى كۇتىلەدى. بۇگىنگى كۇنى «قازگيدرومەت» 2023 جىلعى 23 شىلدەدەن بەرى توتەنشە ءورت ءقاۋپىن ساقتالاتىنىن ايتىپ، شۇعىل ەسكەرتۋ جاساۋدا»، - دەپ ءبولىستى سپيكەر.
دەپارتامەنت ءورتتىڭ الدىن الۋعا جانە سوندىرۋگە باعىتتالعان ءىس-شارالار كەشەنىن وتكىزەدى. الماتى تجد جەكە قۇرامى جوعارى دايىندىق رەجيمىندە.
تاۋلى ورماندى جەرلەردە ورتتەردىڭ الدىن الۋ، ەرتە انىقتاۋ جانە ۋاقتىلى جويۋ ماقساتىندا 26 ماۋسىمنان باستاپ ۇلكەن الماتى شاتقالىندا مەحانيكالىق كۇزەت قويىلدى. سونداي-اق، 11 شىلدەدەن باستاپ قۇرعاق وسىمدىكتەردىڭ ورتەنۋ ءقاۋپى جوعارى جەرلەردە، بەس ۋچاسكەدە مەحانيكالاندىرىلعان كۇزەت قويىلدى - ولار يشتۆان قوڭىر كوشەسى، كەڭساي-2 ىقشام اۋدانى، كوك-توبە پاركى، ۇاك بويىمەن يندۋستريالدى ايماق.
«تاۋلى ورماندى جەرلەردە ءورتتىڭ الدىن الۋ ماقساتىندا اۋماقتىق بولىمشەلەردىڭ قىزمەتكەرلەرى كۇندەلىكتى مونيتورينگتى جۇزەگە اسىرادى. بۇگىنگى تاڭدا 90-نان استام رەيد جۇزەگە اسىرىلدى، 7 مىڭنان استام جادىناما تابىس ەتىلدى، 170 - تەن استام وت جاعۋ فاكتىسى توقتاتىلدى، جالپى سوماسى 5 ملن تەڭگەدەن استام سوماعا 100 جەكە تۇلعا اكىمشىلىك جاۋاپكەرشىلىككە تارتىلدى»، - دەپ اتاپ ءوتتى د.ءجۇسىپوۆ.
دەپارتامەنت جەرگىلىكتى اتقارۋشى جانە باسقا ورگاندارمەن بىرلەسىپ تاۋ-كەن ورتتەرىن ءسوندىرۋ بويىنشا جويۋ الگوريتمىن قايتا وڭدەپ، كەلىسكەن.
«3 ورت-تاكتيكالىق وقۋ-جاتتىعۋ وتكىزىلدى. تابيعي ورتتەرگە جەدەل ارەكەت ەتۋ ماقساتىندا دەپارتامەنتتە 13 ادامنان تۇراتىن تابيعي ورتتەردى ءسوندىرۋ جونىندەگى جيىنتىق جاساق قۇرىلدى، تابيعي ورتتەردىڭ پايدا بولۋى تۋرالى شاقىرتۋ تۇسكەن كەزدە كۇشتەر مەن قۇرالدار №2 شاقىرۋدىڭ جوعارى دارەجەسى بويىنشا جىبەرىلەدى»، - دەپ اتاپ ءوتتى سپيكەر.
تاۋلى-ورماندى جەرلەردە ءورتتىڭ الدىن الۋ ماقساتىندا دەپارتامەنت جاياۋ بولىمشەلەردەن باسقا پاترۋلدەۋدە 3 درون پايدالانادى. بۇل درونداردىڭ ەرەكشەلىگى-ولار 8 كم-گە دەيىن جانە تەڭىز دەڭگەيىنەن 6000 مەتر بيىكتىكتە ۇشا الادى، سونىمەن قاتار جىلۋ كامەرالارى مەن داۋىس زورايتقىش قۇرىلعىلارمەن جابدىقتالعان، وت تۇتاتۋعا بولمايتىن جەرلەردە وت جاعاتىن بۇزۋشىلاردى الدەقايدا ءتيىمدى جانە جىلدام تابۋعا كومەكتەسەدى.
سونداي-اق، دەپارتامەنت دەرەكتەرى بويىنشا، تاۋلى ورماندى جەرلەردە ورتتەردى سوندىرۋگە دايىندىقتا الماتى، «قازاۆياقۇتقارۋ» جانە «قازاۆياقۇتقارۋ» قۇتقارۋ قىزمەتىنىڭ 5 اۋە بورتى بار، سونداي-اق ۇلكەن الماتى كولى، پارحاچ، اۋەجاي جانە يۋناتسكوە كولدەرىنەن اۆياسيالىق تەحنيكامەن سۋ الۋ مۇمكىندىگى كوزدەلگەن.
تجد تاۋلى ورماندى جەرلەردە ءورتتىڭ ءجيى سەبەبى ادام فاكتورى بولىپ تابىلاتىنىن اتاپ ءوتتى. ال تابيعي پاركتەر اۋماعى (ىلە-الاتاۋ ۇلتتىق پاركى، مەدەۋ تابيعي پاركى، باۋم توعايى جانە ت.ب.) تابيعي ورتكە بارىنشا بەيىم. بۇل اۋماقتار قالا تۇرعىندارى مەن تۋريستەردىڭ سۇيىكتى ورىندارى بولىپ تابىلاتىندىعىن ەسكەرە وتىرىپ، تجد تاۋلى جەرلەردە ءورت قاۋىپسىزدىگىنىڭ قاراپايىم ەرەجەلەرىن ساقتاۋعا شاقىرادى:
- دەمالىس ورىندارىندا قوقىس قالدىرماۋ، تۇتانۋى مۇمكىن قوقىستاردى وزىڭىزبەن بىرگە الىپ كەتۋ كەرەك؛
- جانىپ تۇرعان سىرىڭكەلەردى، تەمەكى تۇقىلدارىن تاستاماۋ، قۇرعاق ءشوپتى كۇيدىرمەۋ؛
- وسى ماقساتتار ءۇشىن ارنالماعان جەرلەردە وت جاعۋعا، باربەكيۋ مەن تاماق دايىنداۋعا ارنالعان باسقا دا قۇرىلعىلاردى پايدالانۋعا بولمايدى.