ول 13 ملن تەڭگە پارا العان.
الماتىدا كاسىپكەرگە قامقورلىعى ءۇشىن پارا العان تجد باسقارماسىنىڭ باستىعى جەمقورلىق ءۇشىن سوتتالدى، دەپ حابارلايدى Almaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
وسى جىلدىڭ 8 جەلتوقسانىندا قوستاناي قالاسىنىڭ №2 سوتىمەن الماتى قالاسى تجد باسقارماسىنىڭ باستىعى ازاماتتىق قورعاۋ پودپولكوۆنيگى ا.ك. جانىسپايەۆقا قاتىستى ۇكىم شىقتى.
«ول كاسىپكەرگە قامقورلىعى ءۇشىن جالپى سوماسى 13 ملن تەڭگەدەن استام اقشالاي سىياقى العانى ءۇشىن كىنالى دەپ تانىلدى»، - دەپ جازىلعان حابارلامادا.
جانىسپايەۆ 5 جىلعا باس بوستاندىعىنان ايىرىلىپ، ارناۋلى اتاعىنان، سونداي-اق مەملەكەتتىك قىزمەتتە ءومىر بويى قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.