جازىلۋشىلار سانى ميلليونعا جەتتى.
«الماتى» تەلەارناسى YouTube جەلىسىنىڭ «التىن باتىرماسىن» الدى. ونىڭ YouTube ارناسى 2010 جىلى اشىلىپ، جۇيەلى تۇردە جۇمىس ىستەپ كەلەدى. 2018 جىلى تەلەارنا YouTubeء-تىڭ «كۇمىس باتىرماسىن» العان بولاتىن. مىنە، اراعا 4 جىل سالىپ، «التىن باتىرماعا» دا قول جەتكىزىپ وتىر. الەمدىك ۆيدەوحوستينگتىڭ «التىن باتىرماسى» پاراقشاعا 1 ملن وقىرمان جازىلعاندا بەرىلەدى، دەپ حابارلايدى Almaty-akshamy.kz Almaty.tv ارناسىنا سىلتەمە جاساپ.
«قۇرمەتتى دوستار، بۇل «كۇمىس باتىرما» جاقىن ارادا «التىنعا» اينالادى، ويتكەنى كەشە عانا «الماتى» تەلەارناسىنىڭ YouTube الەۋمەتتىك جەلىسىندە جازىلۋشىلار سانى ميلليونعا جەتتى. دەمەك، اقش-تان الماتىعا ارنايى كەلەتىن «التىن» تۇيمەنى يەلەندى. مەن ونى تەلەارنا باسشىلىعىنا قۋانا تابىستايمىن. بۇل ميلليون جازىلۋشى عانا ەمەس، سايتتا جاريالانعان 60 000 ماتەريال 300 ميلليوننان استام قارالىم جينادى دەگەن ءسوز. «الماتى» تەلەارناسىنىڭ YouTube جەلىسىنە ءالى جازىلماعان بولساڭىز، تەزىرەك جازىلىڭىز»، – دەدى YouTubeء-تىڭ قازاقستانداعى وكىلى سامسون بەزمياتەجنىي.
تەلەارنا ونىمدەرىن الەمنىڭ 100-دەن استام ەلىندە بەينەحوستينگتەن تاماشالاي الادى. نەگىزگى اۋديتوريا – قازاق حالقى، ودان كەيىن ورىستار، قىرعىز، وزبەك اعايىندار.
«ءبىزدىڭ ارنا 4 جىلدا وسى جەتىستىككە جەتتى. ءبىز 100 000 جازىلۋشىمەن باستادىق، بۇگىن كوپتەن كۇتكەن وتە ماڭىزدى وقيعا بولدى. ەندى ميلليون كورەرمەنىمىز بار. بۇل ۇجىمنىڭ ەڭبەگى دەپ ەسەپتەيمىن، ويتكەنى تەلەارناداعى ءار قىزمەتكەردىڭ شىعارماشىلىق جەتىستىگىنىڭ ارقاسىندا وسىنداي ناتيجەگە قول جەتكىزدىك»، – دەدى «الماتى» تەلەارناسىنىڭ باس پروديۋسەرى راليدا مۇقانوۆا.
4 تامىزدان باستاپ «الماتى» تەلەارناسى رەسپۋبليكالىق مارتەبە الىپ، قازاقستان رەسپۋبليكاسىنىڭ بۇكىل اۋماعىندا حابار تاراتۋعا مىندەتتى ارنالار تىزىمىنە ەنگەنىن اتاپ وتكەن ءجون. سونداي-اق اقپارات جانە الەۋمەتتىك دامۋ مينيسترلىگىنىڭ اقپاراتتىق اگەنتتىك جانە ينتەرنەت-باسىلىم رەتىندە تىركەلگەنى تۋرالى كۋالىگىن الدى.
2022 جىلدىڭ جاڭا ماۋسىمىنا «الماتى» تەلەارناسى 8 الەۋمەتتىك-درامالىق جانە تاريحي سەريال، سونداي-اق 26 باعدارلاما، ونىڭ ىشىندە 11 جاڭا تەلەجوبا دايىندادى. باعدارلامالار YouTube الەۋمەتتىك جەلىسى ارقىلى دا كورەرمەنگە كورسەتىلىپ كەلەدى.
2022 جىلى ارناعا رەبرەندينگ جاسالدى. برەندتىڭ جاڭارۋى «الماتى» تەلەارناسى دامۋىنىڭ جاڭا كەزەڭگە اياق باسقانىن جانە كونتەنت ساپاسى ارتىپ، ءداستۇرلى ەفير مەن سيفرلىق ينتەرنەت سينەرگياسىنا بەت العانىن كورسەتەدى. «الماتى» تەلەارناسى ەرەسەكتەر اۋديتورياسىن دا، الەۋمەتتىك جەلىلەر مەن ونلاين رەسۋرستاردى كەڭىنەن قولداناتىن جاس كورەرمەندەردى دە كەڭىنەن قامتيتىن «زاماناۋي كلاسسيكاعا» بارىنشا كوڭىل بولمەك.
ماركەتينگتىك ماقساتتا رەستايلينگتى، جاڭا ايدەنتيكانى جانە ەفيرلىك بەزەندىرۋدى، جاڭارتىلعان حابار تاراتۋ كەستەسىن جانە ت.ب. قامتيتىن شارالار قابىلداندى. العاش رەت تەلەجوبالاردى ەفيردە جانە ەفيردەن تىس دامىتۋ ماقساتىندا تەلەارنانىڭ ءبىرتۇتاس يميدجدىك ستراتەگياسى قابىلداندى.
«بۇگىننەن باستاپ ءبىزدىڭ YouTube ارنامىزدا جاڭا بەلەس باستالادى دەپ ويلايمىن، ول بىزگە كۇش-قۋات بەرەدى، شىعارماشىلىق سەرپىنپەن جاڭا بەلەستەرگە جەتۋگە مۇمكىندىك بەرەدى. «قانداي سولدات گەنەرال بولۋدى ارماندامايدى» دەگەندەي، 10 ميلليون جازىلۋشىعا جەتكەنشە تالماي ەڭبەك ەتەمىز. «الماتى» تەلەارناسىنىڭ دامۋىنىڭ باستى باعىتتارىنىڭ ءبىرى سيفرلىق ورتادا وزىندىك كونتەنت قۇرۋ جانە ناسيحاتتاۋ ەكەنىن ەسكەرە وتىرىپ، جاقىن ارادا «مەن رەپورتەرمىن»، «Jelide»، «SuperMen» «كۇندەرەك»، «#REC» ينتەراكتيۆتى جوباسى الەۋمەتتىك جەلىلەردە ىسكە قوسىلادى»، - دەدى «الماتى» تەلەارناسىنىڭ باس پروديۋسەرى راليدا مۇقانوۆا.
2022 جىلدىڭ قىركۇيەگىندە Youtube قولدانۋشىلارى «الماتى» تەلەارناسىنىڭ كونتەنتىن قاراۋعا 934 000 ساعات ۋاقىت جۇمساعان، باسقاشا ايتقاندا، بۇل كورسەتكىش 106 جىلعا تەڭ.
«Alatay Aqparat» مەدياحولدينگىنىڭ ۇجىمى ارىپتەستەرىن جوعارى جەتىستىكتەرىمەن قۇتتىقتايدى.