الماتى قالاسىنىڭ توتەنشە جاعدايلار دەپارتامەنتى قازگيدرومەتتىڭ داۋىلدى ەسكەرتۋىنىڭ نەگىزىندە 29 ناۋرىزدا الماتى قالاسىنىڭ تاۋلى ايماقتارىندا قاتتى جەل سوعاتىنىن ەسكەرتتى.
«تاۋلى ايماقتاردا باتىس جاقتان قاتتى جەل سوعىپ، جەل ەكپىنى سەكۋندىنا 22-28 مەترگە دەيىن جەتەدى. قاتتى جاۋىن-شاشىن (قار، جاڭبىر) نەمەسە قاتتى جەل، داۋىل تۋرالى ەسكەرتۋ جاريالانعان جاعدايدا، تاۋلى ايماققا بارۋدى كەيىنگە قالدىرعان دۇرىس»، — دەپ ەسكەرتتى قۇتقارۋشىلار.
الماتى قالاسى تجد-نىڭ مالىمەتىنشە، ەگەر تاۋدا بولساڭىز، مۇقيات بولىپ، اۋا-رايىنىڭ وزگەرۋىن قاداعالاعان ءجون.
ۇيگە قايتۋدى تاۋلىكتىڭ كەشكى ۋاقىتىنا قالدىرماۋ كەرەك، سەبەبى، كەرى باعىتتى تابا الماۋىڭىز مۇمكىن.
ريۋكزاكتاردا كەلەسىدەي قاجەتتى زاتتار بولۋى ءتيىس: جىلى كيىمدەر، كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق بولمايدى.