الماتى - ستۋدەنتتەر قالاسى

اۆتور Almaty-akshamy.kz
10:17، 30 قاراشا 2023

سۋرەت: الماتى اكىمدىگىنىڭ باسپا ءسوز قىزمەتى

قازاقستان الداعى جىلى وتەتىن ستۋدەنتتىك كاسىپكەرلىكتىڭ الەمدىك كۋبوگىن وتكىزۋ قۇقىعىنا العاش رەت يە بولدى.

الماتىدا «BUSINESS COLLABORATION FORUM 2023» بيزنەس-فورۋمى ءوتىپ جاتىر، دەپ حابارلايدى Almaty-akshamy.kz

فورۋمعا رەسپۋبليكانىڭ 51 وقۋ ورنىنىڭ مەكتەپ وقۋشىلارى مەن ستۋدەنتتەرى، كاسىپكەرلەر جانە ENACTUS باعدارلاماسىنىڭ قوناقتارى قاتىستى. قازاقستاننىڭ تۇكپىر-تۇكپىرىنەن جينالعان جاستار وزدەرىنىڭ بيزنەس-جوبالارىن ۇسىنۋعا مۇمكىندىك الدى.

فورۋم بارىسىندا ءسوز العان الماتى قالاسى اكىمىنىڭ ورىنباسارى الىشەر ءابدىقادىروۆ جاستارعا ساتتىلىك تىلەدى.

- 1995 جىلدان باستاپ قازاقستاندا ENACTUS جوباسى دارىندى جاستارعا جاڭا مۇمكىندىكتەر اشىپ، ولاردىڭ وزىندىك يدەيالارىن ەنگىزىپ، بيزنەس-جوبالاردى جۇزەگە اسىرۋدا. الماتى - ستۋدەنتتەر قالاسى. شاھاردا 35 جوو ورنالاسقان. وندا 200 مىڭعا جۋىق ستۋدەنت ءبىلىم الىپ كەلەدى. وتكەن جىلى الماتى قالاسىنىڭ اكىمدىگىمەن 2025 جىلعا دەيىنگى قالانىڭ دامۋ باعدارلاماسى بەكىتىلدى. ونىڭ ىشىندە قالا جاستارىنا ءبىلىم بەرۋ، جۇمىسپەن قامتۋ، قاجەتتى ينفراقۇرىلىممەن قامتاماسىز ەتۋ ماسەلەلەرىنە اسا ءمان بەرىلدى. قىسقا مەرزىمدى كۋرس وقىپ، جۇمىس تابۋعا مۇمكىندىك بەرەتىن JasAlmaty.kz پورتالى ىسكە قوسىلدى. ءساۋىر ايىندا جاس كاسىپكەرلەر كلۋبى قۇرىلدى. قورىتىندىلاي كەلە، ءارقايسىسىڭىزعا بيزنەستە تابىسقا جەتۋدى تىلەيمىن، – دەدى الماتى قالاسى اكىمىنىڭ ورىنباسارى الىشەر ءابدىقادىروۆ.

ENACTUS Kazakhstan ۇيىمىنىڭ پرەزيدەنتى البينا ەرجانوۆا ەلىمىزدىڭ «ENACTUS WORLD CUP 2024» ستۋدەنتتىك كاسىپكەرلىكتىڭ الەمدىك كۋبوگىن وتكىزۋ قۇقىعىن جەڭىپ العانىن اتاپ ءوتتى.

وقۋ جىلىنىڭ سوڭىندا ۇزدىك بيزنەس-جوبالار ENACTUS Kazakhstan كۋبوگىنا قاتىسادى. وندا جەڭىسكە جەتكەن جوبا الەمدىك جارىسقا جولداما الادى. جاقىندا عانا ءبىز ENACTUS-تىڭ الەمدىك كۋبوگىنان كەلدىك. وندا قازاقستان كەلەسى جىلى وتەتىن ستۋدەنتتىك كاسىپكەرلىكتىڭ الەمدىك كۋبوگىن وتكىزۋ قۇقىعىنا العاش رەت يە بولدى. الەمنىڭ ۇزدىك ۋنيۆەرسيتەتتەرى مەن ۇزدىك كوماندالارى استانا قالاسىندا 2024 جىلى جينالادى، – دەدى ENACTUS Kazakhstan ۇيىمىنىڭ پرەزيدەنتى البينا ەرجانوۆا.