جىل سايىن بۇكىل الەمدە 17 قاراشادا حالىقارالىق ستۋدەنتتەر كۇنى اتاپ وتىلەدى.
وسىنىڭ قۇرمەتىنە مەگاپوليستە 10-17 قاراشا ارالىعىندا Almaty Students Week اكسياسى وتەدى، ول تۋرالى الماتى قالاسى جاستار ساياساتى باسقارماسىنىڭ وكىلدەرى وكق بريفينگىندە ايتىپ بەردى، دەپ حابارلايدى اlmaty-akshamy.kz.
مەگاپوليستە 35 جوعارى وقۋ ورنى بار، وندا 200 مىڭعا جۋىق ستۋدەنت وقيدى، ونىڭ ىشىندە 124 مىڭنان استامى باسقا وڭىرلەردەن كەلگەن ستۋدەنتتەر.
«Almaty student week» فەستيۆالىنىڭ ماڭىزدى قىرى ول ستۋدەنتتىك جاستاردىڭ بىرلىگىن ارتتىرۋ. جاستارىمىزدى پاتريوتتىق رۋحقا تاربيەلەۋ. جالپى، فەستيۆالدىڭ نەگىزگى يدەياسى ستۋدەنتتەردى بەلسەندى ورتاعا تارتۋ، سونداي-اق دارىندى، تالانتتى جاستار مەن قوعام كوشباسشىلارىن انىقتاۋ»، - دەدى الماتى قالاسى جاستار ساياساتى باسقارماسىنىڭ جوو-مەن جونىندەگى ءبولىم باسشىسى جۇلدىز جورابەك.
سپيكەردىڭ سوزىنشە، ستۋدەنت جاستاردىڭ جەكە جانە كاسىبي وسۋىنە جاعداي جاساۋ، قوعامدا تابىستى الەۋمەتتەنۋى، ونىڭ زياتكەرلىك جانە شىعارماشىلىق الەۋەتىن ارتتىرۋ ماقساتىندا «StudUnion» الاڭى جۇمىس جاسايدى. ستۋدەنت جاستار اراسىنداعى پىكىر كوشباسشىلارى بولعاندىقتان جاستار جونىندەگى كوميتەتتەر قاۋىمداستىعى جينالىپ، جاستار اراسىنداعى كوپتەگەن ماسەلەلەردى قاراستىرادى.
«وتكەن دەمالىس كۇندەرى، كوميتەتتەر قاۋىمداستىعى 3 كۇندىك لاگەرگە بارىپ جوعارى وقۋ ورىندارىنىڭ تاجىربيلەرىمەن الماستى. سونداي-اق جىلدىڭ سوڭىندا ۇزدىك كوميتەت باسشىسىن جانە بەلسەندى ستۋدەنتتى ماراپاتتاۋ ءراسىمى وتەدى»، - دەپ تولىقتىردى ول.
ستۋدەنتتىك اپتالىق الماتى قالاسى جوعارى وقۋ ورىندارىنىڭ ستۋدەنتتەرىنىڭ شىعارماشىلىق قابىلەتتەرىن دامىتۋ، جاستاردىڭ زياتكەرلىك الەۋەتىن ارتتىرۋ جانە مەملەكەتتىك ءتىلدى ناسيحاتتاۋ ماقساتىندا وتەتىن «SUPER LIGA» كتك-نىڭ فينالدىق ويىندارىنان باستالادى.
سونىمەن بىرگە، «IQ-ALA jastary» جوباسى اياسىنداعى زياتكەرلىك ويىنداردىڭ فينالىن، ستۋدەنتتەر اراسىندا كيبەرسپورتتان تۋرنير وتكىزۋ جوسپارلانىپ وتىر.
سونداي-اق، الماتى قالاسىنىڭ جوعارى وقۋ ورىندارىمەن بىرىگىپ كوپتەگەن ءىس-شارالاردى وتكىزۋ جوسپارلانىپ وتىر:
- قازاق ۇلتتىق ۋنيۆەرسيتەتىمەن 16 قاراشادا جولداسبەكوۆ اتىنداعى ستۋدەنتتەر سارايىندا «ءبىز – جاڭا قازاقستان جاستارىمىز!» ءبىرىنشى كۋرس ستۋدەنتتەرى اراسىندا گالا-كونسەرت جانە كوركەمونەرپازدار فەستيۆالى وتەدى. بۇل كەشتە ءبىرىنشى كۋرس ستۋدەنتتەرى اراسىندا گالا-كونسەرت، سونداي-اق كوركەمونەرپازدار فەستيۆالى وتەدى. بۇل بايقاۋدىڭ نەگىزگى ماقساتى تالانتتى جاستاردى انىقتاۋ جانە قولداۋ، ولاردىڭ شىعارماشىلىق قابىلەتتەرىن ىسكە اسىرۋعا جاردەمدەسۋ:
- سول كۇنى نارحوز ۋنيۆەرسيتەتىنىڭ ۇيىمداستىرۋىمەن «Acoustic evening» اسپاپتىق كونسەرتى وتەدى. ءىس-شارا ءارتۇرلى ستيلدەردى ۇسىناتىن بىرنەشە مۋزىكالىق نومىرلەردەن تۇرادى.
- سونداي-اق، اسفەندياروۆا اتىنداعى مەديسينالىق ۋنيۆەرسيتتەتتىڭ ۇيىمداستىرۋمىمەن قالامىزدىڭ ستۋدەنتتەرى اراسىندا تۇراقتى دونورلار سانىنىڭ ارتۋى ماقساتىندا «وزگەگە ءومىر سىيلا – دونور بول» اكسياسى ۇيىمداستىرىلادى. مۇنداي اكسيالار ءبىزدىڭ قالامىزدا جاقسى داستۇرگە اينالۋدا جانە قاتىسۋشىلاردىڭ سانى تەك ارتىپ كەلە جاتقانىن اتاپ وتكەن ءجون.
«سونىمەن بىرگە، ق ر عىلىم جانە جوعارى ءبىلىم ءمينيسترى جانىنداعى ستۋدەنتتەر كەڭەسىنىڭ وتىرىسى وتەدى. جالپى ماقساتى، مينيستر ساياسات نۇربەكپەن قازىرگى ستۋدەنت جاستاردىڭ پروبلەماسىن تالقىلاۋ. كۇنى بويى قازاقستاننىڭ بارلىق قالالارىنان كەلگەن ستۋدەنتتەر ءتۇرلى سەمينارلار مەن ترەنينگتەرگە قاتىسىپ، مينيسترمەن TedX الاڭىندا كەزدەسەدى»، - دەپ ءبولىستى ج.جورابەك.
ءوز سوزىندە الماتى قالاسى بويىنشا «ستۋدەنتتەر اليانسىنىڭ» ءتوراعاسى جاسۇلان قۋاندىق اتالعان ءىس-شارالاردان باسقا ستۋدەنتتەرگە ءتۇرلى اكسيالار مەن جەڭىلدىكتەر قولجەتىمدى بولاتىنىن اتاپ ءوتتى.
«17 قاراشادا ستۋدەنتتەرگە ارنايى جەڭىلدىكتەر مەن اكسيالار قاراستىرىلادى. بۇل رەتتە ءبىزدى الماتىلىق كاسىپكەرلەر قولدادى. جەڭىلدىكتەر وقۋ ورىندارى مەن تاماقتانۋ ورىندارىندا جاسالادى. ءبىرقاتار باسپالار ءبىزدىڭ ستۋدەنتتەرگە جەڭىلدىكتەر بەرۋدى جوسپارلاپ وتىر. 15 قاراشاعا دەيىن ءبىز وسى اكسيالار تۋرالى تولىق اقپاراتتى جاريالايمىز»، - دەدى ول.
جاستار مەن مەگاپوليس ستۋدەنتتەرىن Almaty Student Week فەستيۆالىنە بەلسەندى قاتىسۋعا شاقىرادى.