الماتى ساقشىلارى قالالىق پوليسيا دەپارتامەنتى باستىعىنىڭ تويىندا تۇسىرىلگەن ۆيدەونى تەكسەرىپ جاتىر

ۆيدەو اۆتورى بۇل پوليسيا باسشىلارىنىڭ ءبىرىنىڭ ۇلىنىڭ تويى بولۋى مۇمكىن ەكەنىن ايتتى.

«پوليسيا باستىعىنىڭ ۇلىنىڭ ۇيلەنۋ تويىندا تۇسىرىلگەن» دەگەن ۆيدەونى الماتى پوليسياسى تەكسەرىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.

الەۋمەتتىك جەلىدە قازاق ەسترادا جۇلدىزدارىنىڭ قاتىسۋىمەن وتكەن تويدىڭ ۆيدەوسى پايدا بولدى.

بەينەجازبادان تويعا كوپ قوناق كەلگەنىن، قازاقستاندىق ەسترادا جۇلدىزدارى ونەر كورسەتىپ، كوپتەگەن سىيلىق ويناتىلعانىن بايقاۋعا بولادى.

ويناتىلعان سىيلىقتار ىشىندە بەنزين قۇيۋعا ارنالعان تالوندار دا بار.

ۆيدەو اۆتورى بۇل پوليسيا باسشىلارىنىڭ ءبىرىنىڭ ۇلىنىڭ تويى بولۋى مۇمكىن ەكەنىن ايتتى.

الماتى قالالىق پوليسيا دەپارتامەنتى اتالعان ۆيدەوعا قاتىستى قىزمەتتىك تەرگەۋ باستالعانىن ءمالىم ەتتى.

«اۆتوردىڭ ايتقان سوزدەرى تاعايىندالعان قىزمەتتىك تەرگەۋ اياسىندا مۇقيات تەكسەرىلىپ جاتىر. قىزمەتتىك ءتارتىپتى بۇزۋ انىقتالعان جاعدايدا پوليسيا قىزمەتكەرلەرىنە قاتىستى تارتىپتىك شارا قولدانىلادى»، - دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.