قالالىق قوعامدىق كەڭەس وكىلدەرى مەن ءماسليحات دەپۋتتارى باسقوستى
حالىق ءوز تاڭداۋىن جاسايتىن تاعدىرشەشتى كۇنگە دە جەتتى. الماتى قالالىق قوعامدىق كەڭەس وكىلدەرى مەن ءماسليحات دەپۋتتارى 5 ماۋسىمدا وتەتىن بۇكىلحالىقتىق رەفەرەندۋمگە قاتىستى ارنايى جيىن وتكىزدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
باسقوسۋدا قالا بويىنشا سايلاۋ ۋچاسكەلەرىنىڭ دايىندىقتارى پىسىقتالدى. بۇل ساياسي ناۋقاننان حالىقتىڭ كۇتەر ءۇمىتى زور.
«رەفەرەندۋمدا حالىق كوپ ءۇمىت كۇتەدى. سەبەبى جاڭاعى بەكىتۋگە ۇسىنىلىپ وتىرعان 33 وزگەرىستەردىڭ تۇپكى ماقساتى – قازاقستان حالقىنىڭ ازاماتتىق بەلسەندىلىگىن ارتتىرىپ، حالىقتى مەملەكەت باسقارۋ جۇيەسىنە ارالاستىرۋ»، – دەدى قالالىق قوعامدىق كەڭەس مۇشەسى بارىس جاپاروۆ.