الماتى قۇتقارۋشىلارى اۋا رايىنا بايلانىستى ەسكەرتۋ جاسادى

الماتى قالاسىندا كوكتايعاق پەن تۇمان بولۋىنا بايلانىستى قالالىق توتەنشە جاعدايلار دەپارتامەنتى قالا تۇرعىندارىن اباي بولۋعا شاقىردى، دەپ حابارلايدى اlmaty-akshamy.kz

قالالىق توتەنشە جاعدايلار دەپارتامەنتى قار مەن كوكتايعاق كەزىندە كولىكتىڭ ءجۇرىسى ناشارلاپ، جۇرگىزۋشى كولىككە يە بولا الماي، جاياۋ جۇرگىنشىلەردى قاعىپ كەتۋى مۇمكىن ەكەنىن ەسكە سالدى.

وسىعان وراي، الماتى قالالىق تجد مىناداي مالىمدەمەسىن جاريا ەتتى:

- كوشەلەردەن تەك جول قوزعالىسى ەرەجەسىمەن بەلگىلەنگەن ورىنداردان عانا ءوتۋ كەرەك؛

- جولدان وتكەن كەزدە، باسقا ىستەرگە (ۇيالى تەلەفونمەن سويلەسۋ جانە ت. ب.) الاڭداماڭىز؛

- الدىڭىزعا، اياقتىڭ استىنا قاراپ ءجۇرىڭىز؛

- اياق كيىمدى دۇرىس تاڭداۋ اۋدارۋ كەرەك. اياق كيىم بۇدىرلى ورنەگى بار، تايعانامايتىن ماتەريالدان جاسالعان، تەگىس تاباندى بولۋى ءتيىس؛

- قولىڭىزدى قالتاڭىزعا سالماڭىز، بۇل مۇزدا تەپە-تەڭدىكتى ساقتاۋعا مۇمكىندىك بەرەدى؛

– ەسىڭىزدە بولسىن، جاياۋجولدار، كولىك ايالدامالارى، دۇكەندەرگە كىرە بەرىستەگى باسپالداقتار، ءتىپتى، ۇيلەردەگى كىرەبەرىستەر - ادامدار ءجيى جاراقات الىپ، قۇلايتىن ورىندار بولىپ تابىلادى.