ونىڭ بىرنەشە سەبەبى بار.
الەۋمەتتىك جەلى قولدانۋشىلارى الماتى قوناق ۇيلەرىندە ورىن جوقتىعىن جازىپ، مۇنىڭ ساياسي استارىن ىزدەۋدە، دەپ حابارلايدى Almaty-akshamy.kz
Booking.com تۇرعىن جاي برونداۋ سايتتارىنداعى حابارلاندىرۋلارعا سۇيەنسەك، راسىمەن قالاداعى قوناق ۇيلەردە ورىن جوق.
قوناق ءۇي قىزمەتكەرلەرى سوڭعى كۇندەرى شەتەلدىكتەردىڭ كوبەيگەنىن عانا ايتىپ، وزگە اقپاراتتارمەن بولىسە المايتىندارىن العا تارتتى.
جەلى قولدانۋشىلارى مۇنى 21 قىركۇيەك رەسەي پرەزيدەنتى ۆلاديمير ءپۋتيننىڭ ءىشىنارا موبيليزاسيا تۋرالى زاڭعا قول قويۋىمەن بايلانىستىرۋدا.
بۇگىندە قازاقستان مەن رەسەي شەكاراسىندا ادام قاراسى دا، كولىكتەر سانى دا ارتقان. مۇنى ۇقك شەكارا قىزمەتى راستادى.
قوناق ۇيلەرگە سۇرانىستىڭ كۇرت ارتۋىنىڭ تاعى ءبىر سەبەبى بار. 23 قىركۇيەك الماتىدا ديماش قۇدايبەرگەننىڭ جەكە كەشى وتەدى.
قالانىڭ تۋريزم باسقارماسى دا شەتەلدىكتەردىڭ كوپتەپ كەلە باستاعانى تۋرالى اقپاراتتى راستادى.
«شەتەلدىك تۋريستەردىڭ اعىلۋىنا بايلانىستى الماتى قوناق ۇيلەرىندە جۇمىس كوپ. ولاردىڭ اراسىندا 2022 جىلدىڭ 23 قىركۇيەگىندە الماتىدا كونسەرت بەرەتىن قازاقستاندىق ءانشى ديماش قۇدايبەرگەننىڭ جانكۇيەرلەرى دە بار»، – دەپ حابارلادى باسقارما.
كونسەرتتەرگە بيلەت ساتاتىن سەرۆيستەردىڭ دەرەكتەرىنە سۇيەنسەك، اتالعان كەشكە 50 ەلدەن كەلەتىن تۋريستەرگە 21 000-عا جۋىق جولداما ساتىلعان.
«بۇگىنگى كۇنى الماتىدا تۋريستىك اعىننىڭ ارتقانىن دا اتاپ وتەمىز. جىل سوڭىنا دەيىن قالاعا 300 مىڭنان استام شەتەلدىك تۋريست كەلەدى دەپ كۇتىلۋدە»، - دەپ تولىقتىردى ۆەدومستۆودان.