الماتى قوعامدىق كەڭەسىنىڭ قوعامدىق دامۋ كوميتەتى «الاتاۋ اقپارات» مەدياحولدينگىنىڭ جۇمىسىن مونيتورينگتەن وتكىزدى. قوعامدىق كەڭەس مۇشەلەرى جۋرناليستەر مەن باسقا قىزمەتكەرلەردىڭ ەڭبەك جاعدايلارىنا ەرەكشە نازار اۋداردى، دەپ حابارلايدى aqshamnews.kz
كوميتەت ءتوراعاسى قايىرجان ابدىحالىقوۆ باستاعان مونيتورينگ توبىنا ەربولات بايعانين، جاننا يسينگارينا، ۆيتاليي كولتوچنيك، ارمان قۇداباي، ماديا تورەبايەۆا جانە رۋسلان زاھارين كىردى. ساراپشىلار حولدينگتىڭ كەڭسەسىندە بولىپ، رەداكسيا قىزمەتكەرلەرىمەن كەزدەستى.
كەزدەسۋ بارىسىندا، ۇلتتىق جانە مەملەكەتتىك باعدارلامالاردى ناسيحاتتاۋ، گازەت وقىرماندارى مەن سايت اۋديتورياسىن ارتتىرۋ، ءبىلىم بەرۋ ورتالىقتارى مەن ۋنيۆەرسيتەتتەرمەن ىنتىماقتاستىق، مەدياحولدينگتىڭ ستراتەگيالىق جوسپارلارى مەن ماركەتينگتىك قادامدارى سونىمەن قاتار جۋرناليستەر مەن قىزمەتكەرلەردىڭ ەڭبەك ەتۋ جاعدايلارى تالدانىپ، ۇيىمنىڭ قارجىلىق جانە ۇيىمداستىرۋشىلىق ماسەلەلەرى قاراستىرىلدى.
قوعامدىق دامۋ كوميتەتى مەدياحولدينگتىڭ «حالىق ۇنىنە قۇلاق اساتىن مەملەكەت» تۇجىرىمداماسىن جانە قوعامدىق كەڭەستەر تۋرالى زاڭعا سايكەس ازاماتتىق قوعاممەن ءوزارا ارەكەتىن تالقىلادى.
رەداكسيا قىزمەتكەرلەرى ءوز جوبالارى مەن بولاشاق جوسپارلارىن تانىستىرىپ، يننوۆاسيالاردى دامىتۋعا باسىمدىق بەرۋدى ماقسات ەتەتىنىن ايتتى. مونيتورينگ بارىسىندا مەدياحولدينگتىڭ دامۋ كەزەڭدەرى كورسەتىلگەن مۇراجايى مەن جاڭا پودكاست ستۋدياسى تانىستىرىلدى. بۇل ستۋديا مەدياحولدينگتىڭ اۋديتوريامەن بايلانىسىن نىعايتۋعا ارنالعان جاڭا كرەاتيۆتى ورتالىق بولماق.
مونيتورينگ ناتيجەسىندە مەدياحولدينگتىڭ قوعام، اقپاراتتىق كەڭىستىك جانە مەملەكەتتىك ورگاندار اراسىنداعى بايلانىستى نىعايتۋداعى ءرولى جوعارى باعالاندى. قوعامدىق كەڭەس مۇشەلەرى «الاتاۋ اقپارات» مەدياحولدينگىنىڭ دامۋ مۇمكىندىكتەرىنە قولداۋ ءبىلدىردى.