ەرەكشە قاجەتتىلىكتەرى بار ادامداردىڭ قۇقىعىن قورعاۋشى، قوعام بەلسەندىسى بوگدان دجەپكا تۇركسىب اۋدانىندا رەفەرەندۋمدا داۋىس بەرگەنى جونىندە ءوزىنىڭ الەۋمەتتىك جەلىلەردەگى پاراقشالارىندا ءبولىستى.
– قولجەتىمدىلىك ويداعىداي، ءار ءتۇرلى توپتاعى مۇگەدەكتىگى بار ادامدار ءۇشىن ءبارى دايىن. برايل ءقارپى بار ترافارەتتەر، قۇلاققاپتارى بار كومپيۋتەرلەر قويىلىپتى... سايلاۋ ۋچاسكەسىنىڭ توراعاسىمەن سويلەستىم. ونىڭ ايتۋىنشا، تۇرعىندار بۇكىل وتباسىمەن بىرگە كەلىپ، داۋىس بەرۋدە،– دەيدى بوگدان.
قوعامدىق كەڭەستىڭ تاعى ءبىر بەلسەندى مۇشەسى ۇلان ىڭكاربەكوۆ تە بۇگىنگى تاريحي ساتتەگى كورىنىستەر جونىندە ءوز اسەرىمەن ءبولىسىپ، بىلاي دەپ جازادى:
– رەفەرەندۋم مەن ءۇشىن جوعارى دەڭگەيدە ۇيىمداستىرىلعان. مۇمكىندىگى شەكتەۋلى ادامدار ءۇشىن ينۆاتاكسيمەن داۋىس بەرۋگە بارۋ جانە كەرى قايتۋ ماسەلەسى جاقسى ويلاستىرىلىپتى. داۋىس بەرۋ كابينالارى دا قولجەتىمدى، – دەيدى ۇلان فەيسبۋكتەگى پاراقشاسىندا.