الماتى قالاسى قازاقستانداعى تىركەلگەن اۆتوكولىكتەر سانى جاعىنان ءبىرىنشى ورىنعا شىقتى. قالادا بۇگىندە 717 مىڭنان استام كولىك قۇرالى تىركەلگەن. بۇل تۋرالى Aqshamnews.kz سايتى حابارلايدى.
الماتى – ەلىمىزدەگى ەڭ ءىرى مەگاپوليس ءارى ەكونوميكالىق ورتالىق. حالىق سانى مەن جەكە كولىككە سۇرانىستىڭ ارتۋىنا بايلانىستى كولىك سانى جىل سايىن ءوسىپ كەلەدى. قازىرگى كورسەتكىش بويىنشا، ءاربىر ءۇشىنشى الماتىلىق وتباسى كەمىندە ءبىر اۆتوكولىككە يە.
مامانداردىڭ ايتۋىنشا، مۇنداي قارقىندى ءوسىم جول قوزعالىسى مەن ەكولوگياعا ايتارلىقتاي اسەر ەتۋدە. كولىك سانىنىڭ ارتۋى كەپتەلىستەردىڭ جيىلەۋىنە، اۋانىڭ لاستانۋىنا جانە تۇراق تاپشىلىعىنا الىپ كەلىپ وتىر. بۇل رەتتە قالا بيلىگى جولايرىقتارىن كوبەيتۋ، قوعامدىق كولىكتى دامىتۋ جانە ەكولوگيالىق كولىكتەرگە قولداۋ كورسەتۋ سياقتى شارالاردى قولعا العان.
717 مىڭنان استام تىركەلگەن كولىكپەن الماتى – ەلدەگى اۆتوپاركى ەڭ ۇلكەن قالاعا اينالدى. بۇل قالا ءۇشىن جاڭا شەشىمدەر مەن تۇراقتى كولىك جۇيەسىن قاجەت ەتەتىن ماڭىزدى كورسەتكىش.