جىل باسىنان بەرى مەگاپوليس ەكونوميكاسى قارقىندى تۇردە ءوسىپ كەلەدى. قىسقا مەرزىمدە ەكونوميكالىق ينديكاتور 122،2%-كە دەيىن، جىلدىق ينفلياسيانىڭ باياۋلاۋى اياسىندا ىسكەرلىك بەلسەندىلىك يندەكسى 58،7% تارماققا دەيىن جەدەلدەدى. ساۋدا، وڭدەۋ ونەركاسىبى، كولىك پەن قويمالاۋ – ەكونوميكالىق ءوسىمنىڭ درايۆەرى بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇعان دەيىن قاسىم-جومارت توقايەۆ شاھاردى وركەندەتۋگە قاتىستى بىرنەشە باعىتتا اتقارىلۋعا ءتيىس جۇمىستارعا نازار اۋدارعان بولاتىن.
مەملەكەت باسشىسىنىڭ ايتۋىنشا، ەڭ الدىمەن، قالا ەكونوميكاسىن ءارتاراپتاندىرۋ ارقىلى ونىڭ تۇراقتى دامۋىن قامتاماسىز ەتۋ قاجەت. الماتى – ەلىمىزدىڭ ەكونوميكالىق دامۋىنىڭ قوزعاۋشى كۇشى جانە كوشباسشىسى. جالپى ىشكى ءونىمنىڭ بەستەن ءبىر بولىگى، بيۋدجەت كىرىسىنىڭ 25 پايىزدان استامى جانە قازاقستاننىڭ ساۋدا وپەراسيالارىنىڭ ۇشتەن ءبىر بولىگى وسى قالاعا تيەسىلى.
«ەكونوميكانىڭ ءارتاراپتاندىرىلۋ دەڭگەيىنىڭ تومەن بولۋى قالا تۇرعىندارى تابىسىنىڭ ءوسىمىن باياۋلاتادى. قالا «ورتاشا تابىس تۇزاعىنا» ءتۇستى، ودان شىعۋ ءۇشىن قالا ەكونوميكاسىن تۇبەگەيلى ءارتاراپتاندىرۋ قاجەت. وڭدەۋ ونەركاسىبىن، ءتۋريزمدى، IT سەكتورىن جانە كرەاتيۆتى يندۋستريانى دامىتۋعا باسا نازار اۋدارۋ كەرەك. باسەكەلەستىكتى ىنتالاندىرۋ، ينۆەستيسيا تارتۋ جانە ەڭبەك ونىمدىلىگىن ايتارلىقتاي ارتتىرۋ قاجەت. قالا جاعدايىنداعى وڭدەۋ ونەركاسىبىن دامىتۋ ءىسى ەكولوگيالىق تازا جانە ىقشامدى زاماناۋي تەحنولوگيالاردى قولدانا وتىرىپ، ۇدەرىستەردى جوعارى دەڭگەيدە اۆتوماتتاندىرۋمەن جانە سيفرلاندىرۋمەن قاتار جۇزەگە اسىرىلۋى كەرەك. الماتىنىڭ يندۋستريالىق ايماعى مەن «الاتاۋ» يننوۆاسيالىق تەحنولوگيالار پاركىنىڭ الەۋەتىن تولىق پايدالانۋ قاجەت»، – دەگەن ەدى پرەزيدەنت الماتى جۇرتشىلىعىمەن كەزدەسۋ بارىسىندا.
مەملەكەت باسشىسىنىڭ تاپسىرماسىن باسىمدىققا الا وتىرىپ، الماتىدا مەملەكەتتىك جانە قالالىق باعدارلامالار اياسىندا 3 مىڭنان استام جوبانى قولداۋ ءۇشىن بيىل 44 ملرد تەڭگە ءبولىندى.
قىسقا مەرزىمدە ەكونوميكالىق ينديكاتور 122،2%-كە دەيىن، جىلدىق ينفلياسيانىڭ باياۋلاۋى اياسىندا ىسكەرلىك بەلسەندىلىك يندەكسى 58،7% تارماققا دەيىن جەدەلدەدى. ساۋدا، وڭدەۋ ونەركاسىبى، كولىك پەن قويمالاۋ – ەكونوميكالىق ءوسىمنىڭ درايۆەرى بولدى.
قالادا جىل باسىنان بەرى ىسكەرلىك بەلسەندىلىكتىڭ ايتارلىقتاي ءوسۋى بايقالادى. بيىلعى جىلدىڭ ءبىرىنشى توقسانىندا ىسكەرلىك بەلسەندىلىك يندەكسىنىڭ دەڭگەيى بويىنشا (58،7% ) الماتى قازاقستان وڭىرلەرى اراسىندا ءبىرىنشى ورىنعا شىقتى. قىسقا مەرزىمدى ەكونوميكالىق ينديكاتور 23،9% ارتتى.
وكىلەتتىكتەردى ورتالىقسىزداندىرۋ جونىندەگى مەملەكەت باسشىسىنىڭ تاپسىرماسىن ورىنداۋ بويىنشا، 1 ساۋىردەن باستاپ قالالىق اكىمدىكتىڭ 15 فۋنكسياسى اۋداندىق اكىمدىكتەرگە بەرىلىپ، ولاردىڭ بيۋدجەتى 2،7 ەسە، ياعني 161،6 ميلليارد تەڭگەگە دەيىن ۇلعايتىلدى.
ەسەپتى كەزەڭدە نەگىزى كاپيتالعا 484 ملرد تەڭگە ينۆەستيسيا تارتىلدى. بۇل رەتتە جەكە ينۆەستيسيالار 2،7%-كە وسكەن.