مەملەكەت باسشىسىنىڭ كەلىسىمىمەن الماتى قالاسىنىڭ پروكۋرورى لاۋازىمىنا اعا ادىلەت كەڭەسشىسى سەرىك اقمىرزا ۇلى كارىپبەكوۆ تاعايىندالدى، دەپ حابارلايدى Almaty-akshamy.kz.
ق ر باس پروكۋراتۋراسى باسپا ءسوز قىزمەتىنىڭ مالىمەتىنشە، سەرىك كارىپبەكوۆ 1973 جىلى تۋعان، ءبىلىمى جوعارى، تۇركيا رەسپۋبليكاسىنىڭ ستامبۋل ۋنيۆەرسيتەتىن بىتىرگەن.
پروكۋراتۋرا ورگاندارىنداعى قىزمەتىن 2000 جىلى پاۆلودار وبلىسى اقسۋ قالاسى پروكۋرورىنىڭ كومەكشىسى بولىپ باستاعان.
ول ءبىرقاتار جاۋاپتى قىزمەتتەردى اتقاردى، سونىڭ ىشىندە ءبولىم جانە باسقارما باستىعى، باس پروكۋراتۋرانىڭ قىلمىستىق قۋدالاۋ قىزمەتى باستىعىنىڭ ورىنباسارى.
2020 جىلدىڭ ماۋسىمىنان باستاپ باس پروكۋراتۋرانىڭ جەدەل-ىزدەستىرۋ، قارسى بارلاۋ قىزمەتىنىڭ جانە جاسىرىن تەرگەۋ ارەكەتتەرىنىڭ زاڭدىلىعىن قاداعالاۋ دەپارتامەنتىنىڭ باستىعى بولىپ جۇمىس ىستەدى.