مۇنداي مالىمەتتى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ اۋماقتىق سايلاۋ كوميسسياسىنىڭ ءتورايىمى ايگۇل قالىقوۆا كەلتىردى، دەپ حابارلايدى اlmaty-akshamy.kz.
اتاپ وتەتىن جايت، سايلاناتىن 42 دەپۋتاتتىڭ 21ء-ى - ءبىرمانداتتىق اۋماقتىق سايلاۋ وكرۋگتەرى بويىنشا، 21ء-ى - پارتيالىق ءتىزىم بويىنشا.
قازىرگى ۋاقىتتا الماتى قالاسىنىڭ ءماسليحات دەپۋتاتتارىن پارتيالىق تىزىمدەر ارقىلى سايلاۋ بويىنشا 6 ساياسي پارتيانىڭ تىزىمدەرىمەن 153 كانديدات ۇسىنىلدى. اتاپ ايتقاندا:
«قازاقستان حالىق پارتياسى» قوعامدىق بىرلەستىگى (42 كانديدات)
«اق جول» قازاقستان دەموكراتيالىق پارتياسى» قوعامدىق بىرلەستىگى (20 كانديدات)
«AMANAT» پارتياسى» قوعامدىق بىرلەستىگىنىڭ الماتى قالالىق فيليالى (63 كانديدات)
«اۋىل» حالىقتىق-دەموكراتيالىق پاتريوتتىق پارتياسى» قوعامدىق بىرلەستىگى» (6 كانديدات)
«Respublica» پارتياسى» قوعامدىق بىرلەستىگى» (15 كانديدات)
«قازاقستاننىڭ «بايتاق» جاسىلدار پارتياسى» قوعامدىق بىرلەستىگى (7 كانديدات)
ساياسي پارتيالار قۇجاتتاردى "سايلاۋ تۋرالى" كونستيتۋسيالىق زاڭنىڭ تالاپتارىنا سايكەس ۇسىنادى. ءاربىر پارتيالىق تىزىمدە ايەلدەر مەن 29 جاسقا تولماعان ادامداردىڭ سانى كەمىندە 30 پايىزدى قۇرايدى.
الماتى قالاسى ءماسليحاتى دەپۋتاتتارىن سايلاۋ بويىنشا 21 ءبىرمانداتتىق اۋماقتىق سايلاۋ وكرۋگتەرى بويىنشا 210 كانديدات ۇسىنىلدى.
ورتاشا ەسەپپەن ءبىرمانداتقا 10 ادامنان كەلەدى. ەڭ ۇلكەن باسەكەلەستىك 4ء-شى وكرۋگتە ءبىر ورىن ءۇشىن 19 ادام.
ۇسىنىلعان كانديداتتاردىڭ 166-سى ەر ادام، 44ء-ى ايەل ادام.
ەڭ جاس كانديدات 2002 جىلعى بولسا، ەڭ ۇلكەنى - 1947 جىلعى.
"سايلاۋ تۋرالى" كونستيتۋسيالىق زاڭعا سايكەس كانديداتتاردى تىركەۋ تۋرالى مالىمەتتەر باق-تاردا جانە سايلاۋ كوميسسيالارىنىڭ ينتەرنەت-رەسۋرسىندا جاريالانادى.