الماتى قالاسىنىڭ كومەنداتۋراسى بارلىق قالا تۇرعىندارى مەن باق-تاردان تەك رەسمي اقپارات كوزدەرىن پايدالانۋدى سۇرايدى، دەپ حابارلايدى Almaty-akshamy.kz
قۇرمەتتى الماتى قالاسىنىڭ تۇرعىندارى!
قۇقىقتىق ءتارتىپتى قامتاماسىز ەتۋ جانە ەكسترەميزمگە قارسى كۇرەس بويىنشا وپەراسيالاردىڭ جالعاسۋىنا بايلانىستى اۆتوكولىك يەلەرىنەن تولە بي، رايىمبەك جانە اباي داڭعىلدارىن، سونداي-اق قالا ورتالىعىن اينالىپ ءوتۋ جولدارىن جوسپارلاۋدى سۇرايمىز.
سونداي-اق، قالا تۇرعىندارىنان قازىرگى ۋاقىتتا سەرۋەندەۋدەن جانە قوعامدىق ورىندارعا بارۋدان باس تارتۋدى سۇرايمىز.
بۇل شارالار ءسىزدىڭ جەكە قاۋىپسىزدىگىڭىز ءۇشىن قابىلداندى.
قۇقىق قورعاۋ ورگاندارى جاعدايدى تۇراقتاندىرۋ جانە زاڭدىلىقتى قامتاماسىز ەتۋ بويىنشا شارالار قابىلداۋدى جالعاستىرۋدا.
قاۋەسەتتەر مەن فەيكتەردىڭ ورىن الۋىن ەسكەرە وتىرىپ، بارلىق قالا تۇرعىندارى مەن باق-تاردان تەك رەسمي اقپارات كوزدەرىن پايدالانۋدى جانە ولارعا سۇيەنۋدى سۇرايمىز.
الماتى قالاسىنىڭ كومەنداتۋراسى
2022 جىلدىڭ 5 قاڭتارى