الماتىنىڭ بوستاندىق اۋدانىنداعى ءبىرقاتار ۇيلەردىڭ ەسكى ماگيسترالدى سۋ قۇبىرىنىڭ بۇزىلۋىنا بايلانىستى اجىراتىلعان سۋمەن جابدىقتاۋ جۇمىستارى بىرنەشە ساعات ىشىندە قالپىنا كەلتىرىلەتىن بولادى، دەپ حابارلايدى اlmaty-akshamy.kz.
وتكەن تۇندە ديامەترى 600 مم بولاتىن، 50 جىلدان استام ۋاقىت بويى پايدالانىلىپ كەلە جاتقان سۋ قۇبىرى ۋچاسكەلەرىنىڭ بىرىندە شتاتتان تىس جاعداي تۋىندادى. ونىڭ سالدارىن قازىرگى ۋاقىتتا «الماتى سۋ» مكك اپاتتىق بريگاداسى قاجەتتى تەحنيكانىڭ كومەگىمەن شۇعىل تۇردە جويۋدا.
الدىن الا مالىمەتتەر بويىنشا، 1972 جىلى پايدالانۋعا بەرىلگەن سۋ قۇبىرىنىڭ توزۋى اپاتتىڭ نەگىزگى سەبەبى بولىپ تابىلادى. اتالعان قالالىق سەكتورداعى ۇيلەردىڭ تۇرعىندارىنان ۋاقىتشا قولايسىزدىقتارعا تۇسىنىستىكپەن قاراۋدى سۇرايمىز.
انىقتاما ءۇشىن تەلەفوندار: 274-66-66.
«الماتى سۋ» مكك