قاتىسۋشىلاردىڭ بايقاۋ جۇمىستارىن اكادەميانىڭ حالىقارالىق جانە ۇلتتىق ستاندارتتار بويىنشا سەرتيفيكاتتالعان جوبالاۋ مەنەدجەرلەرى قاتارىنداعى باعالاۋشىلار باعالادى.
بۇل تۋرالى وڭىرلىك كوممۋنيكاسيالار قىزمەتى الاڭىندا الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ مالىمدەدى، دەپ حابارلايدى Almaty-akshamy.kz
سيفرلاندىرۋ باسقارماسىنىڭ «الماتى قالاسىنىڭ ءبىرىڭعاي دەرەكتەر قويماسى» جوباسى بىردەن ەكى نوميناسيا بويىنشا Qazaqstan Project Management Awards-2021 بايقاۋىنىڭ جەڭىمپازى اتاندى: «جەرگىلىكتى اتقارۋشى ورگاندار اراسىنداعى جىلدىڭ ۇزدىك جوباسى» جانە «جىلدىڭ ۇزدىك جوبا مەنەدجەرى».
ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ بايقاۋىن ۇيىمداستىرۋشى جوبا مەنەدجەرى ايدا دارمەنوۆاعا 2021 جىلعى 7 جەلتوقساندا «التىن ساپا» ۇلتتىق كاسىپكەرلەر پالاتاسىنىڭ جىل سايىنعى راسىمىندە ماراپاتتى تابىس ەتتى.
بايقاۋعا ورتالىق مەملەكەتتىك جانە جەرگىلىكتى اتقارۋشى ورگاندار، كۆازيمەملەكەتتىك سەكتور، بيزنەس وكىلدەرى، ۇكىمەتتىك ەمەس ۇيىمدار، ەلىمىزدىڭ جوعارى وقۋ ورىندارى قاتىستى. بيىل «ۇزدىك جوبا»، «ۇزدىك جوبا مەنەدجەرى» جانە «ۇزدىك جوبالىق كەڭسە» نوميناسيالارىنا 306 ءوتىنىم كەلىپ ءتۇستى.
ەسكە سالساق، الماتىنىڭ ءبىرىڭعاي دەرەكتەر قويماسى بيىل ىسكە قوسىلدى، وعان قالالىق اكىمدىكتىڭ بارلىق باسقارمالارىنان، ۆەدومستۆولىق باعىنىشتى كوممۋنالدىق جانە سەرىكتەستىك ۇيىمداردان مالىمەتتەر جيناقتالعان. ونى ازىرلەۋ كەزىندە سينگاپۋردىڭ تاجىريبەسى پايدالانىلدى، وندا ۇلتتىق جانە جەرگىلىكتى دەڭگەيدەگى مەملەكەتتىك ورگاندار 30 جىل بويى وسىلاي جۇمىس ىستەپ كەلەدى.