"استانا" الاڭىندا الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆ جاڭا جىل مەرەكەلەرى كەزەڭىندە قوعامدىق ءتارتىپتى قامتاماسىز ەتۋگە جۇمىلدىرىلعان پوليسيانىڭ كەشەندى كۇشتەرىنىڭ ءبىرىڭعاي ساپتىق جيىنىن وتكىزىپ، جەكە قۇرامعا جاۋاپتى ءارى ادال قىزمەتى ءۇشىن العىس ايتتى، - دەپ حابارلايدى Aqshamnews.kz.
ساپتىق جيىنعا پاترۋلدىك جانە اكىمشىلىك پوليسيا بولىمشەلەرىنىڭ قىزمەتكەرلەرى، ۋچاسكەلىك ينسپەكتورلار، كوشى-قون قىزمەتى، ارنايى ماقساتتاعى بولىمشەلەر، سونداي-اق قازاقستان رەسپۋبليكاسى ۇلتتىق ۇلانىنىڭ اسكەري قىزمەتشىلەرى قاتىستى. جەكە قۇرامعا قوعامدىق قاۋىپسىزدىكتى ساقتاۋ، قۇقىق بۇزۋشىلىقتاردىڭ الدىن الۋ جانە بۇقارالىق ءىس-شارالار وتەتىن ورىنداردا قالا تۇرعىندارىنىڭ تىنىشتىعىن قامتاماسىز ەتۋ مىندەتتەرى جۇكتەلدى. جيىن بارىسىندا ءسوز سويلەگەن پوليسيا دەپارتامەنتىنىڭ باستىعى مەرەكە كۇندەرى پوليسيا قىزمەتىنىڭ ماڭىزى ايرىقشا ارتاتىنىن اتاپ ءوتتى.
- جاڭا جىل مەرەكەلەرى كەزەڭىندە پوليسيا قىزمەتكەرلەرىنە جۇكتەلەتىن جاۋاپكەرشىلىك بىرنەشە ەسە كۇشەيەدى. سىزدەردىڭ ۇيلەسىمدى ەڭبەكتەرىڭىزدىڭ، جوعارى كاسىبيلىكتەرىڭىز بەن تارتىپكە بەرىكتىكتەرىڭىزدىڭ ارقاسىندا قالادا قوعامدىق ءتارتىپ پەن قاۋىپسىزدىك قامتاماسىز ەتىلىپ، ازاماتتاردىڭ ءوز قۇقىقتارىنىڭ قورعالۋىنا دەگەن سەنىمى نىعايا تۇسۋدە. ءارقايسىڭىزعا قىزمەتتىك بورىشقا ادالدىقتارىڭىز بەن زاڭ مەن ءتارتىپ قاعيداتتارىنا بەرىكتىكتەرىڭىز ءۇشىن شىنايى العىسىمدى بىلدىرەمىن، - دەدى ارىستانعاني زاپپاروۆ.
قازىرگى ۋاقىتتا بۇقارالىق ءىس-شارالار وتەتىن ورىندارعا، قوعامدىق كەڭىستىكتەرگە، كولىك توراپتارىنا جانە جول ينفراقۇرىلىمىنا ەرەكشە نازار اۋدارىلۋدا. جول قوزعالىسى قاۋىپسىزدىگىن قامتاماسىز ەتۋ جانە قۇقىق بۇزۋشىلىقتاردىڭ الدىن الۋ باعىتىنداعى باقىلاۋ كۇشەيتىلدى.
- پاترۋلدىك ەكيپاجدار مەن جاياۋ جاساقتاردىڭ سانى ارتتىرىلىپ، جەدەل ارەكەت ەتۋ جانە بارلىق بولىمشەلەر اراسىنداعى ءوزارا ءىس-قيمىل كۇشەيتىلدى. ءاربىر قىزمەتكەر قۇقىق بۇزۋشىلىقتاردىڭ الدىن الۋعا جانە ازاماتتارعا كومەك كورسەتۋگە باعدارلانعان. باستى ماقساتىمىز — الماتىلىقتار مەن قالا قوناقتارىنىڭ جاڭا جىلدى تىنىش ءارى ءقاۋىپسىز قارسى الۋى، — دەپ اتاپ ءوتتى الىپ شاھاردىڭ باس پوليسەيى.
جاڭا جىل ءتۇنى الماتى قالاسىندا قوعامدىق ءتارتىپتى قامتاماسىز ەتۋگە پوليسيانىڭ مىڭداعان قىزمەتكەرى مەن ۇلتتىق ۇلاننىڭ اسكەري قىزمەتشىلەرى تارتىلدى. كەزەكشىلىك تاۋلىك بويى ۇيىمداستىرىلىپ، بارلىق قىزمەتتىڭ ۇيلەستىرىلۋى جەدەل باسقارۋ ورتالىعى ارقىلى جۇزەگە اسىرىلۋدا. الماتى قالاسى پوليسيا دەپارتامەنتى قالا تۇرعىندارى مەن قوناقتارىن قوعامدىق قاۋىپسىزدىك تالاپتارىن ساقتاۋعا جانە اينالاسىنداعىلارعا قۇرمەتپەن قاراۋعا شاقىرادى.