الماتى قالاسى اكىمى اپپاراتى باسشىسىنىڭ م.ا. بۇيرىعىمەن الماتى قالاسى اكىمى اپپاراتى باسشىسىنىڭ ورىنباسارى بولىپ مەرەي ابزالبەكوۆ تاعايىندالدى، دەپ حابارلايدى almaty-akshamy.kz
ابزالبەكوۆ مەرەي ياگۋدا ۇلى 1982 جىلى 25 ماۋسىمدا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن «تاريح» ماماندىعى بويىنشا بىتىرگەن، تاريح ماگيسترى.
م. ابزالبەكوۆ مانسابىن ا.ح. مارعۇلان اتىنداعى ارحەولوگيا ينستيتۋتىنىڭ جەتەكشى ينجەنەرى رەتىندە باستاپ، قاپشاعاي قالاسىنداعى 32363 اسكەري بولىمدە وفيسەرلىك قىزمەتتە بولدى.
جاستار ساياساتى سالاسىندا جۇمىس ىستەدى. الماتى قالاسى جاستار ساياساتىن دامىتۋ جونىندەگى مەملەكەتتىك قور ديرەكتورىنىڭ ورىنباسارى، الماتى قالاسى جاستار ساياساتى ماسەلەلەرى جونىندەگى باسقارمانىڭ جاستار جوبالارى جانە شىعارماشىلىق باستامالارى ءبولىمى باسشىسىنىڭ م.ا. لاۋازىمدارىن اتقاردى.
الماتى قالاسى اكىمى اپپاراتىنىڭ قۇرىلىمىندا الماتى قالاسى اكىمى اپپاراتىنىڭ حاتتاما، نورماتيۆتىك قۇقىقتىق اكتىلەردى تىركەۋ جانە رەسىمدەۋ ءبولىمىنىڭ باس مامانى، الماتى قالاسى اكىمى اپپاراتىنىڭ الەۋمەتتىك-مادەني سالا ءبولىمىنىڭ باسشىسى بولىپ جۇمىس ىستەدى.
تاعايىندالعانعا دەيىن الماتى قالاسى اكىمى اپپاراتى قوعامدىق دامۋ ءبولىمىنىڭ باسشىسى قىزمەتىن اتقاردى.