قالا تۇرعىندارى اراسىندا سانيتارلىق-ەپيدەميولوگيالىق سالاماتتىلىقتى قامتاماسىز ەتۋ، بەزگەك ماسالارىنىڭ دەرناسىلدەرىنىڭ سانىن ازايتۋ ماقساتىندا، اعىمداعى جىلعى 7ء-شى ماۋسىمنان 29 قىركۇيەككە دەيىنگى ارالىقتا جالپى انوفەلوگەندى اۋدانى 14،4 گا بولاتىن الاتاۋ، جەتىسۋ جانە تۇركسىب اۋداندارىندا ورنالاسقان 7 انافەلوگەندى سۋ قويماسىندا بەزگەك ماسالارىنىڭ دەرناسىلەرىنە قارسى دەزينسەكسيالىق وڭدەۋ شارالارى جۇرگىزىلەدى، دەپ حابارلايدى Almaty-akshamy.kz.
الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتىنىڭ تاراتقان مالىمەتىنە سۇيەنسەك، دەزينسەكسيالىق وڭدەۋ ەنتومولوگيالىق كورسەتكىش بويىنشا بارلىعى التى كەزەڭدە جۇرگىزىلەدى.
سۋ قويمالارىندا بەزگەك ماسالارىنىڭ دەرناسىلدەرىنە قارسى وڭدەۋ جۇمىستارىن رەسپۋبليكالىق قارجى ەسەبىنەن اۋداندىق سانيتاريالىق-ەپيدەميولوگيالىق باقىلاۋ باسقارمالارىنىڭ ماماندارىنىڭ تىكەلەي باقىلاۋىمەن، شجق رمك «الماتى قالاسى بويىنشا دەزينفەكسيا ورتالىعى» فيليالى جۇرگىزەدى. جاساقتالعان دەزينفەكسيالىق بريگادالار قاجەتتى قۇرالدارمەن، كولىكتەرمەن جانە جەكە باس قورعانىش زاتتارىمەن جابدىقتالعان. دەزينسەكسيالىق وڭدەۋ جۇرگىزۋ ءۇشىن «فاۆوريت» ينسەكتيسيدتى-اكاريديستىك پرەپاراتى قولدانىلدى. پرەپارات از ۋىتتى جانە قاۋىپتىلىگى تومەن ساناتقا جاتقىزىلادى (3-4 كلاسس). ماسالارمەن كۇرەسۋ ءۇشىن قولدانىلاتىن دوزالار ەڭ از جانە ادامدار مەن جانۋارلار ءۇشىن ءقاۋىپسىز بولىپ تابىلادى، - دەيدى حابارلامادا.