الماتىدا «اگرارلىق نەسيە كورپوراسياسى» اق باسقارما ءتوراعاسىنىڭ ورىنباسارى – باسقارما مۇشەسى ايدىن دوسقارايەۆتىڭ قاتىسۋىمەن بريفينگ ءوتتى، دەپ حابارلايدى Almaty-akshamy.kz.
ءىس-شاراعا «اگرارلىق نەسيە كورپوراسياسى» اق قارجى ينستيتۋتتارى مەن نەسيە سەرىكتەستەرىن قارجىلاندىرۋ دەپارتامەنتىنىڭ ديرەكتورى نۇرلان ءداۋىتوۆ، الماتى وبلىسى بويىنشا فيليالىنىڭ ديرەكتورى ءامىرحان سمايىل ۇلى، سونداي-اق كورپوراسيا كليەنتتەرى قاتىستى.
ايدىن دوسقارايەۆ كەزدەسۋگە كەلگەندەرگە «اگرارلىق نەسيە كورپوراسياسى» اق-نىڭ قارجىلاندىرۋ شارتتارى مەن نەسيەلەۋ باعدارلامالارى تۋرالى ايتىپ بەردى. قازىرگى ۋاقىتتا 4 باعدارلاما – «كەڭ دالا»، «اگروبيزنەس»، «ىسكەر» جانە شاعىن نەسيەلەۋ باعدارلامالارى ىسكە اسىرىلۋدا.
اتاپ ايتقاندا، «كەڭ دالا» باعدارلاماسى كوكتەمگى ەگىن ەگۋ جانە كۇزگى جيىن-تەرىم جۇمىستارى كەزىندە شارۋالاردى قولداۋعا باعىتتالعان جانە ول بيۋدجەتتىك نەسيە ەسەبىنەن جۇزەگە اسىرىلۋدا. بانكتەر، نەسيە سەرىكتەستىكتەرى جانە ميكروقارجى ۇيىمدارى ارقىلى قارجىلاندىرعاندا نەسيە الۋشىلار ءۇشىن جىلدىق مولشەرلەمە 5%-دى قۇرايدى. بۇگىنگى تاڭدا الماتى وبلىسىنىڭ 17 نەسيە سەرىكتەستىگىمەن كەلىسىمشارت جاسالعان.
«ىسكەر» باعدارلاماسى ستارتاپ جوبالار مەن كاسىبىن جاڭادان باستاعان كاسىپكەرلەردى قولداۋعا باعىتتالعان. بۇل باعدارلاما بويىنشا جىلدىق سىياقى مولشەرلەمە 6 پايىزدى قۇرايدى. نەسيە 7 جىلعا دەيىنگى مەرزىمگە بەرىلەدى. «اگروبيزنەس» باعدارلاماسى جان-جاقتىلى. ول مال شارۋاشىلىعىن، وسىمدىك شارۋاشىلىعىن، اۋىل شارۋاشىلىعى ونىمدەرىن وڭدەۋدى دامىتۋ جوبالارىن دا قارجىلاندىرادى. نەسيەلەر جەكە جانە تارتىلعان كوممەرسيالىق قاراجات ەسەبىنەن بەرىلەدى. سۋبسيديا ەسەبىنەن پايىزدىق مولشەرلەمە 6%-عا دەيىن تومەندەتىلدى. ينۆەستيسيالىق ماقساتتاعى نەسيەنىڭ ماكسيمالدى مەرزىمى – 12 جىلعا دەيىن.
ال شاعىن نەسيەلەۋ باعدارلاماسى 21 جاستان 35 جاسقا دەيىنگى جاس كاسىپكەرلەردى قولداۋعا باعىتتالعان. جىلدىق سىياقى ستاۆكاسى 2،5 پايىزدى قۇرايتىن نەسيە 5 ملن تەڭگەگە دەيىنگى سومادا بەرىلەدى. نەسيە شارتى بويىنشا مال شارۋاشىلىعى سالاسىنداعى جوبالار ءۇشىن 7 جىلعا دەيىن، بيزنەستىڭ باسقا دا باعىتتارى ءۇشىن 5 جىلعا دەيىنگى مەرزىم قاراستىرىلعان. الماتى قالاسى مەن الماتى وبلىسىنا 6،5 ملرد. تەڭگەدەن استام قارجى بولىنگەن. باعدارلاما بويىنشا 344 ءوتىنىم تۇسكەن. بۇگىنگى تاڭدا ونىڭ ىشىندەگى جالپى سوماسى 900 ملن. تەڭگە بولاتىن 223 ءوتىنىم ماقۇلدانىپ، جاس كاسىپكەرلەرگە 412 ملن. تەڭگە قارجى بەرىلدى.
بريفينگ بارىسىندا ايدىن دوسقارايەۆ «قازاگروقارجى» اق-ىن ەسەپكە العاندا اگرارلىق نەسيە كورپوراسياسىنىڭ جالپى قارجىلاندىرۋ جوسپارى 2023-جىلى 500 ملرد تەڭگە بولعانىن حابارلادى. ونىڭ ىشىندە الماتى وبلىسىنا 13،5 ملرد تەڭگەدەن استام قارجى بولىنگەن. بيىل ءبىرىنشى جارتىجىلدىقتا ونىڭ 7،5 ملرد تەڭگەدەن استام سوماسى يگەرىلدى.
كەزدەسۋدە فەرمەرلەر اگرارلىق نەسيە كورپوراسياسىنىڭ باعدارلامالارى مەن سۋبسيديالاۋ ماسەلەلەرىنە قاتىستى كوكەيلەرىندەگى سۇراقتارىنا تولىققاندى جاۋاپ الدى.