19 قاڭتار كۇنى ساعات 16.15-تەن باستاپ الماتى قالاسىندا قار جاۋا باستادى. ساعات 21.00-دە قالانىڭ جوعارعى بولىگىندە 6-8 سم قار جاۋدى، دەپ حابارلايدى Almaty-akshamy.kz
كوكتايعاق قۇبىلىستارىنىڭ الدىن الۋ ماقساتىندا قار جاۋا سالىسىمەن، جولدارعا كوكتايعاققا قارسى ماتەريالدار سەبىلەدى. 1100 توننا پايدالانىلدى.
تاۋلى جانە تاۋ بوكتەرىندەگى جەرلەردە، سونداي-اق نەگىزگى ماگيسترالدى كوشەلەردە قار كۇرەۋ جۇمىستارى جۇرگىزىلەدى.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، كوپشىلىك پايدالاناتىن ورىنداردى تازالاۋ بويىنشا جۇمىستار ۇيىمداستىرىلدى.
تۇنگى ۋاقىتتا 208 قۇمشاشقىش تەحنيكا جانە 338 جول جۇمىسشىسى شىعىپ، بارلىعى 535 بىرلىكتى قۇرايدى.
اۋدان اكىمدىكتەرى مەن قالا اكىمدىگىندە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا ارالاس جاۋىن-شاشىن 20 قاڭتاردا تۇسكە تامان اياقتالادى دەپ كۇتىلۋدە. اۋا تەمپەراتۋراسى بۇگىن تۇندە 0، -2 گرادۋس، 20 قاڭتاردا كۇندىز +1، +3 گرادۋس جىلى بولادى.