ەسكە سالساق، قاڭتار ايىنىڭ قازالى كۇندەرى تەرروريستەر ىشكى ىستەر دەپارتامەنتىنىڭ عيماراتىنا 27 رەت شابۋىل جاساعان.
كۋاگەرلەردىڭ ايتۋىنشا، عيماراتتىڭ ءتورت بۇرىشىنان تۇتقيىلداپ بىرنەشە شابۋىلدار جاسالعان. تەرروريستەر سۋىق قارۋدان وق جاۋدىرىپ، دىبىس شىعاراتىن گراناتالار، مولوتوۆ كوكتەيلدەرىن، سونىمەن قاتار تاس پەن قۇرىلىس ماتەريالدارىن قارۋ رەتىندە قولدانعان. قازىرگى ۋاقىتتا شىعىن مەن نىسانعا كەلتىرىلگەن زاقىم كولەمى ەسەپتەلۋدە. ءىىد الدىن الا ەسەبى بويىنشا، 5 فرونت-كەڭسە زاقىمدانعان. پوليسيا دەپارتامەنتىنىڭ عيماراتى، المالى اۋداندىق پوليسيا باسقارماسىنا دا لاڭكەستەر شىعىن كەلتىرگەن. سونداي-اق، 19 ءمودۋلدى جانە 13 ەكولوگيالىق پوليسيا بەكەتى زارداپ شەككەن.
ءماسليحات دەپۋتاتتارى پوليسيانىڭ اۆتوپاركىندەگى جاعدايمەن دە تانىستى. باسسىزدىقتاردىڭ كەسىرى مەن لاڭكەستىك شابۋىلدار ناتيجەسىندە 165 قىزمەتتىك كولىك جارامسىز كۇيگە ۇشىراعان. ونىڭ 53ء-ى ورتەنسە، 64ء-ى مۇلدە قالپىنا كەلتىرۋگە جارامايدى.
«ءبىزدىڭ كوميسسيانىڭ مۇشەلەرى مەن ءماسليحات دەپۋتاتتارى بەيبىت ازاماتتاردى قورعاۋ ماقساتىندا جانكەشتىلىك تانىتىپ، قازا بولعان ەرجۇرەك باتىرلاردىڭ جاقىندارىنا قايعىرا كوڭىل ايتادى. ءبىز ءۇشىن ءار ادامنىڭ ءومىرى قىمبات، سول سەبەپتى دە بەيبىت جانە تاۋەلسىز ەل بولىپ دامىپ كەلە جاتقان التىن شاڭىراعىمىز قازاقستاندى ساقتاۋ وتە ماڭىزدى. قۇقىق بۇزۋشىلاردىڭ كەلتىرگەن زالالىن باعالاۋ جانە پوليسەيلەردىڭ جۇمىسىن ۇيلەستىرىپ، تالقىلاۋ ءۇشىن الماتى پوليسيا دەپارتامەنتىنە ارنايى باردىق. سوڭعى وقيعالارعا بايلانىستى قالالىق بيلىك پەن پوليسيا بىرىگىپ قىراعى بولادى. توناۋ، قاراقشىلىق شابۋىلدار، بۇزاقىلىق جانە لاڭكەستىك ارەكەتتەر سياقتى قۇقىق بۇزۋشىلىقتاردىڭ الدىن الۋعا كوبىرەك كۇش سالاتىن بولادى»، - دەپ سانايدى الماتى ءماسليحاتىنىڭ جەرگىلىكتى مەملەكەتتىك باسقارۋ جانە قاۋىپسىزدىك ماسەلەلەرى جونىندەگى تۇراقتى كوميسسياسىنىڭ مۇشەلەرى.
