مەگاپوليس تۇرعىندارى ءداستۇر بويىنشا قىركۇيەكتىڭ ءۇشىنشى جەكسەنبىسىندە، ال بيىلعى جىلى 15 قىركۇيەككە سايكەس كەلەتىن قالا كۇنىن اتاپ وتەدى، دەپ حابارلايدى aqshamnews.kz.
الماتىلىقتار مەن قالا قوناقتارى «الماتى – ورتاق ءۇيىمىز» اكسياسى اياسىندا قالا اۋداندارىندا وتەتىن ءتۇرلى مەرەكەلىك ءىس-شارالاردى تاماشالاۋمەن قاتار، كەشكى ۋاقىتتا قالانىڭ باستى نىساندارىن مەرەكەلىك جارىقتاندىرۋدى كورە الادى. بۇل جارقىن كورىنىس بارلىق تۇرعىن مەن تۋريستەر ءۇشىن مەرەكەلىك قۇتتىقتاۋلاردىڭ نۇكتەسى ىسپەتتى.
تەلەمۇنارانىڭ سالتاناتتى ساۋلەتتىك جارىقتاندىرىلۋى 30 تامىزدا ىسكە قوسىلعان بولاتىن جانە كەلەسى كەستە بويىنشا جۇمىس ىستەيدى: كۇن سايىن ساعات 20.00-دەن 5.00-گە دەيىن مۇنارا فوندىق رەجيمدە پروجەكتورلارمەن جارىقتاندىرىلادى.
مەرەكە كۇندەرى ساعات 21.00-دەن 2.00-گە دەيىن مۋلتيمەديالىق مەرەكەلىك ۆيدەوروليك قوسىلادى. ساعات 02.00-دەن 5.00-گە دەيىن قۇرىلىم پروجەكتورمەن جارىقتاندىرىلادى.
ەستەرىڭىزگە سالا كەتەيىك، «كوكتوبە» تەلەمۇناراسىنىڭ مەديا قاسبەتتەرىندەگى مۋلتيمەديالىق شوۋ — الماتى سيمۆولدارى ءبىرىنىڭ جاڭارعان جارىقتانۋىنىڭ ءبىر بولىگى.