الماتىدا قالالىق سوت عيماراتىنان بارلىق سۋديالار مەن قىزمەتكەرلەر ەۆاكۋاسيالاندى.
بۇل تۋرالى قالالىق سوت ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىن الماتى قالالىق سوتى كىرىس كەڭسەسىنىڭ پوشتاسىنا ءتۇرلى سيپاتتاعى قوقان-لوققى جازىلعان حابارلاما كەلىپ ءتۇستى. وسىعان بايلانىستى قازىرگى ۋاقىتتا سوت عيماراتى تەكسەرىلىپ جاتىر. سوندىقتان، سوت پروسەستەرى كەيىنگە شەگەرىلدى»، - دەلىنگەن حابارلامادا.
قازىرگى ۋاقىتتا قالالىق سوتتىڭ عيماراتى قورشاۋعا الىنىپ، سۋديالار ەۆاكۋاسيالاندى.