وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنبايەۆ مەگاپوليستەگى ەمحانالار مەن اۋرۋحانالاردى مودەرنيزاسيالاۋ تۋرالى ايتتى دەپ حابارلايدى almaty-akshamy.kz
«ءبىز ەمحانالار مەن ستاسيونارلارعا كۇندەلىكتى مونيتورينگ جۇرگىزەمىز، ەكى اي ىشىندە جەكە قورعانىس قۇرالدارى مەن دارى-دارمەكتەردىڭ بولۋىن تەكسەرەمىز. بۇل حالاتتار مەن قورعانىس قۇرالدارىن جەكە قارجىعا ساتىپ الۋ تۋرالى جالعان اقپارات. ەگەر بۇل فاكت راستالسا، مەن شىعىننىڭ وتەلەتىنىنە كەپىلدىك بەرەمىن»، - ناريمان تابىنبايەۆ الەۋمەتتىك جەلىدە مەديسينالىق قىزمەتكەرلەر مەديسينالىق حالاتتاردى ءوز قاراجاتىنا ساتىپ الادى دەگەن اقپارات تۋرالى سۇراققا جاۋاپ بەردى.
الماتىداعى مەديسينالىق مەكەمەلەردىڭ ماتەريالدىق-تەحنيكالىق بازاسى تۋرالى ايتقان قدب باسشىسى سوڭعى ەكى جىل ىشىندە جەرگىلىكتى اتقارۋشى ورگانداردىڭ كوروناۆيرۋسپەن كۇرەسكە ۇلكەن قارجى بولگەنىن اتاپ ءوتتى.
«وتكەن جىلى 20 ميلليارد تەڭگەگە مەديسينالىق جابدىقتار ساتىپ الىندى، ونىڭ ىشىندە 2 مرت اپپاراتى، 2 توموگرافيا، 250-دەن استام ءوجج اپپاراتى، 150-گە جۋىق High flow اپپاراتى، 17 مەديسينالىق مەكەمەگە مەديسينالىق گاز جۇيەسى ورناتىلدى. بارلىق ەمحانالار زەرتحانالىق دياگنوستيكالىق قوندىرعىلارمەن جابدىقتالعان. ەندوسكوپيالىق قوندىرعىلار دا ساتىپ الىندى، ويتكەنى ولار كوروناۆيرۋسپەن اۋىراتىن ناۋقاستارعا وتە قاجەت. قوسىمشا مەديسينالىق توسەك-ورىندار، مونيتورلار، شپريستەر جانە ناۋقاستاردى ەمدەۋگە قاجەتتى بارلىق زاتتار الىندى»، - دەدى ناريمان تابىنبايەۆ.
جەدەل جاردەم قىزمەتى مەن پەرزەنتحانالاردىڭ ماتەريالدىق-تەحنيكالىق بازاسى نىعايتىلدى. جەدەل مەديسينالىق كومەك پەن دياگنوستيكاعا 130 جاڭا كولىك ساتىپ الىندى. الماتىداعى ينفەكسيالىق اۋرۋحانالاردىڭ جابدىقتالۋى 98%-دى قۇرايدى.
سونداي -اق، قدب باسشىسى جەرگىلىكتى اتقارۋشى ورگاندار تەگىن پايدالانۋعا بەرگەن جۇقپالى اۋرۋلار اۋرۋحانالارىنىڭ جەتكىلىكتى جابدىقتالۋى تۋرالى حابارلادى.
«ءبىز ينفەكسيالىق ستاسيونارلار رەتىندە پەداگوگيكالىق كوللەدجدىڭ جاڭا جاتاقحاناسىن، اسفەندياروۆ اتىنداعى مەديسينالىق ۋنيۆەرسيتەتتىڭ جاتاقحاناسىن، سونداي-اق حالىق ارەنا عيماراتىن پايدالانامىز»، - دەدى ناريمان تابىنبايەۆ.