الماتى پوليسياسىندا گەنەرال ءاحماديننىڭ 85 جاسى اتاپ ءوتىلدى.
ماراپاتتارى مەن سىڭىرگەن ەڭبەگىن پاراققا تىزۋگە كەلمەيتىن، كسرو ءىىم ەڭبەك سىڭىرگەن قىزمەتكەرى، ادىلەت گەنەرال-مايورى ءالىمجان ءاحماديننىڭ 85 جىلدىق مەرەيتويى الماتى پد-دا اتالىپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
تۋعان كۇن يەسىن قۇتتىقتاۋ راسىمىنە ق ر ءىىم، الماتى قالالىق پد باسشىلىعى، ءالىمجان ءاحماديننىڭ تۋعان-تۋىستارى، ءىىو-نىڭ ارداگەرلەرى مەن ارىپتەستەرىنەن 200-گە جۋىق ادام قاتىستى.
«قۇرمەتتى ءالىمجان احمادين! كوپ جىلعى جەمىستى قىزمەتىڭىز ءۇشىن ىشكى ىستەر مينيسترلىگىنىڭ اتىنان جانە جەكە ءوز اتىمنان العىس ايتامىن. دەنىڭىزگە ساۋلىق، وتباسىڭىزعا اماندىق، تاۋسىلماس كۇش-قۋات، ۇزاق عۇمىر تىلەيمىن»، – دەدى ىشكى ىستەر ءمينيسترىنىڭ ورىنباسارى مارات قوجايەۆ.
تۋعان كۇن يەسىنە كوپتەگەن جىلى سوزدەر، تىلەكتەر مەن قۇتتىقتاۋلار ايتىلدى. ساحناعا سىيلىقتار اكەلىنىپ، ءداستۇر بويىنشا شاپان جاپتى. پد ءانسامبلىنىڭ سوليستەرى ءالىمجان ءاحماديننىڭ سۇيىكتى اندەرىن ورىندادى. ءالىمجان احمادين 1937 جىلى 15 قاراشادا سولتۇستىك قازاقستان وبلىسى، سەرگەيەۆ اۋدانى، كوك-تەرەك اۋىلىندا اۋىلدىق مال دارىگەرىنىڭ وتباسىندا دۇنيەگە كەلگەن. پوليسياداعى قىزمەتىن قاراعاندى قالاسىندا باستاعان. قاراعاندى وبلىسىندا 20 جىلدان استام ۋاقىت قىزمەت اتقارسا، ىشكى ىستەر ورگاندارىنداعى جالپى ەڭبەك ءوتىلى – 40 جىلدان اسادى. قازىرگى تاڭدا الماتى قالالىق پد ارداگەرلەر كەڭەسى پرەزيديۋمىنىڭ مۇشەسى جانە قازاقستان رەسپۋبليكاسى گەنەرالدار كەڭەسىنىڭ مۇشەسى. 10 مەدالمەن، ونىڭ ىشىندە “قوعامدىق ءتارتىپتى قورعاۋداعى ءمىنسىز قىزمەتى ءۇشىن”، 1-2-3 دارەجەلى “ءمىنسىز قىزمەتى ءۇشىن”، “ەڭبەك ارداگەرى” جانە تاعى دا باسقالار. 2022 جىلعى 25 قازانداعى رەسپۋبليكا كۇنى مەرەكەسىنە وراي ق ر پرەزيدەنتىنىڭ جارلىعىمەن ءالىمجان احمادين 2-دارەجەلى “داڭق” وردەنىمەن ماراپاتتالدى.