الماتى پوليسياسىنا جارىلعىش زات تۋرالى جالعان حابارلاما بەرگەن ەكى ازامات انىقتالدى.
ولاردىڭ ءبىرى – 32 جاستاعى ت. ەسىمدى جەرگىلىكتى تۇرعىن. تۇنگى ساعات 02:00 شاماسىندا ول قالانىڭ تۇركسىب اۋدانىنداعى كوممەرسيالىق نىسانداردىڭ بىرىنە جارىلعىش زات قويىلعانى تۋرالى حابارلادى. ارنايى قىزمەتتىڭ نىساندى كوميسسيالىق تەكسەرۋى اقپاراتتىڭ جالعان ەكەنىن انىقتادى، دەپ حابارلايدى Almaty-akshamy.kz.
Polisia.kz مالىمەتىنشە، حابارلاعان ادامنىڭ كىم ەكەنى بىردەن بەلگىلى بولدى. ول ۇستالدى جانە ءوز كىناسىن مويىندادى. كۇدىكتىنىڭ ايتۋىنشا، ول بۇزاقىلىق نيەتپەن جالعان حابارلاما جاساعان. ق ر قىجك-نىڭ 128-بابىنا سايكەس، ول قاماۋعا الىندى. وعان ق ر قك-نىڭ 273-بابىندا كوزدەلگەن قىلمىس بويىنشا ايىپ تاعىلىپ وتىر. تاعى ءبىر كۇدىكتىنى پوليسيا قالانىڭ تومەنگى بولىگىندە ۇستادى.
وتكەن كۇنى 28 جاستاعى ت. ەسىمدى ازامات بوستاندىق اۋدانىندا ورنالاسقان ساۋدا جانە ويىن-ساۋىق ورتالىقتارىنىڭ بىرىندە جارىلعىش زات بار ەكەنى تۋرالى جالعان حابارلاما بەرگەن. قاسكوي “ءىزىن سۋىتپاي” ۇستالدى. تاجىريبە كورسەتكەندەي، ساۋدا ۇيلەرى، قوعامدىق تاماقتانۋ ورىندارى جانە باسقا دا الەۋمەتتىك نىساندار، ادامدار كوپ جينالاتىن وبەكتىلەر تەرروريزم اكتىلەرى تۋرالى جالعان حابارلامالارعا ءجيى ۇشىرايدى.
تەلەفون بۇزاقىلارىنىڭ جىبەرەتىن ەڭ ۇلكەن قاتەسى – تابا المايدى دەگەن جالعان سەنىم. ءبىراق بۇل جەردە ولار قاتەلەسەدى: بۇگىندە پوليسيانىڭ دا، باسقا قۇقىق قورعاۋ ورگاندارىنىڭ دا تەلەفون شالۋشىنى انىقتاپ، سايكەسىنشە جاۋاپقا تارتۋعا تەحنيكالىق مۇمكىندىكتەرى جەتكىلىكتى. وسىعان بايلانىستى الماتى پوليسياسى جالعان حابارلامالار ءۇشىن قىلمىستىق جاۋاپكەرشىلىك بار ەكەندىگىن تاعى دا ەسكە سالادى. ق ر قك-نىڭ 273-بابىنىڭ نورماسىنا سايكەس، الداعى لاڭكەستىك اكتىسى تۋرالى جالعان اقپارات بەرۋ التى جىلعا دەيىنگى مەرزىمگە باس بوستاندىعىنان ايىرۋ جازاسىمەن جازالانادى.