الماتى پوليسياسى تۇرعىنداردى توناۋمەن اينالىسقان كۇدىكتىنى قولعا ءتۇسىردى.
كريمينالدىق پوليسيا باسقارماسىنىڭ حابارلاۋىنشا، ق ر قك-نىڭ 191-بابى 2-بولىگىندە كوزدەلگەن قىلمىستىق قۇقىق بۇزۋشىلىقتى جاسادى دەگەن كۇدىككە ىلىنگەن 46 جاستاعى و.ەسىمدى ازاماتقا قاتىستى ەكى توناۋ دەرەگى بويىنشا قىلمىستىق ءىس قوزعالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كۇدىكتى زاڭسىز بايۋ ماقساتىندا تۇندە كەش قايتىپ كەلە جاتقان ايەلدەردى تاۋىپ الىپ، ولاردىڭ مويىندارىنداعى التىن بۇيىمدارىن جۇلىپ العان. تەرگەۋ بارىسىندا، كەشكى ۋاقىتتا قالاداعى اۋدانداردىڭ بىرىندە بولعان كۇدىكتى ءوتىپ بارا جاتقان ادامنىڭ موينىنداعى القانى جۇلىپ الىپ، جابىرلەنۋشىگە 150 مىڭ تەڭگە كولەمىندە شىعىن كەلتىرگەنى بەلگىلى بولدى. ايعاقتى زاتتار تاركىلەنىپ، قىلمىستىق ءىس ماتەريالدارىنا قوسىلدى.
ايتپاقشى، ەر ادام بۇعان دەيىن دە وسىعان ۇقساس قىلمىس جاساعانى ءۇشىن سوتتالعان. ءقازىر تەرگەۋشىلەر كۇدىكتىنىڭ وسىعان ۇقساس باسقا دا قىلمىسقا قاتىسى بار-جوعىن انىقتاپ، ايعاقتاردى ازىرلەپ جاتىر. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.