ءبىر جىل بويى جاس مامان تۇراقتى تالىمگەرمەن قىزمەت ەتەدى
ل.ب.گونچاروۆ اتىنداعى قازاق كولىك-جول اكادەمياسىندا پوليسيا قىزمەتكەرلەرىمەن جەكە قۇرامنىڭ تۇساۋكەسەرى ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قۇقىق قورعاۋ قىزمەتى – قاۋىپسىزدىكتى، قۇقىقتىق ءتارتىپتى قامتاماسىز ەتۋ، قىلمىسقا قارسى كۇرەس، ازاماتتاردىڭ قۇقىقتارى مەن بوستاندىقتارىن قورعاۋ فۋنكسيالارىن جۇزەگە اسىراتىن مەملەكەتتىك قىزمەتتىڭ ەرەكشە ءتۇرى. الماتى قالاسىنىڭ پوليسيا دەپارتامەنتى ق ر ءىىم-نىڭ نەگىزگى بولىمشەلەرىنىڭ ءبىرى. بۇگىنگى جيىننىڭ باستى مىندەتى – سىزدەردى ىشكى ىستەر ورگاندارىنا قىزمەتكە شاقىرۋ»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
قىزمەتكە جارامدىلىعىن انىقتاۋ ءۇشىن ءىىو-عا كانديداتتار اسكەري-دارىگەرلىك كوميسسيادا مەديسينالىق تەكسەرۋدەن، ونىڭ ىشىندە پوليگرافولوگيالىق تەكسەرۋدەن ءوتۋى قاجەت.
ۇمىتكەرلەر ق ر ءىىم-نىڭ ۆەدومستۆولىق جوعارى وقۋ ورىندارىنىڭ ارنايى وقۋ كۋرستارىنا تۇسەر الدىندا دەنە دايىندىعى بويىنشا نورماتيۆتەردى تاپسىرادى جانە كونكۋرستىق كوميسسيادا اڭگىمەلەسۋدەن وتەدى.
وقۋ كۋرستارى اياقتالعاننان كەيىن كانديداتتار لاۋازىمدارعا بەكىتىلىپ، ولارعا ورتا باسشى قۇرامنىڭ «پوليسيا لەيتەنانتى» ارناۋلى اتاعى بەرىلەدى. ءبىر جىل بويى جاس مامان تۇراقتى تالىمگەرمەن قىزمەت ەتەدى، وسى كەزەڭدە ىشكى ىستەر ورگاندارى جۇيەسىندە بەيىمدەلۋ جانە قالىپتاسۋ پروسەسى جۇرەدى.
«ءىىم باسشىلىعىنىڭ باستاماسىنىڭ ارقاسىندا قىزمەتكەرلەردىڭ جالاقىسى 2021 جىلى 65 پايىزعا دەيىن ءوستى، ال بولاشاقتا 2022-2023 جىلدارى لاۋازىمدار ساناتىنا بايلانىستى 15 پايىزدان 59 پايىزعا دەيىن كوتەرىلەدى. سونداي-اق، پوليسيا قىزمەتكەرلەرىن الەۋمەتتىك قامسىزداندىرۋعا ءۇش جاقتى شارت جاساسۋ ارقىلى تۇرعىن ۇيگە اقى تولەۋ كىرەدى، ونىڭ تولەمى قىزمەتكەردىڭ ارنايى شوتىنا اۋدارىلادى. سونىمەن قاتار، پوليسيا قىزمەتكەرلەرى «شىڭىراق»، «الماتى جاستارى» سياقتى جەڭىلدەتىلگەن نەسيەگە باسپانا ساتىپ الۋ بويىنشا مەملەكەتتىك باعدارلامالارعا قاتىسۋعا قۇقىلى»، – دەدى مىرزابەكوۆ.