الماتىدا جولاۋشىلاردىڭ قاۋىپسىزدىگىن قامتاماسىز ەتۋ جانە تاسىمالداۋ كەزىندە زاڭ تالاپتارىنىڭ ساقتالۋىن باقىلاۋعا باعىتتالعان "قۇقىقتىق ءتارتىپ" جەدەل الدىن الۋ ءىس-شاراسى جالعاسىپ جاتىر، دەپ حابارلايدى اqshamnews.kz ءتىلشىسى Polisia.kz-كە سىلتەمە جاساپ.
پوليسيانىڭ مالىمەتىنشە، ەرەكشە نازار قالاارالىق جانە حالىقارالىق باعىتتارعا اۋدارىلىپ وتىر. سەبەبى بۇل باعىتتاردا جولاۋشىلار تاسىمالى ەرەجەلەرىن بۇزۋ، كولىكتى رۇقساتسىز قايتا جابدىقتاۋ، تەحنيكالىق بايقاۋدان وتپەگەن كولىكتى پايدالانۋ جانە قاۋىپسىزدىك تالاپتارىن ساقتاماۋ سياقتى زاڭ بۇزۋشىلىقتار ءجيى انىقتالادى.
رەيد بارىسىندا ءتارتىپ ساقشىلارى تاسىمالداۋشى كومپانيالاردىڭ قىزمەتىن جانە "سايران" اۆتوۆوكزالى ماڭىنداعى جەكە شاعىن اۆتوبۋستاردى تەكسەرىپ جاتىر. ەرەجە بۇزۋ دەرەكتەرى تىركەلگەن جاعدايدا، ءارقايسىسى بويىنشا زاڭعا سايكەس شارالار قابىلدانادى.
"جولاۋشىلاردىڭ قاۋىپسىزدىگى - الماتى پوليسياسى ءۇشىن باستى مىندەت. اسىرەسە قالاارالىق جانە حالىقارالىق باعىتتاردا تاسىمالداۋشىلارعا باقىلاۋ كۇشەيتىلدى. ەرەجە بۇزۋشىلىقتار تەك قولايسىزدىق تۋعىزىپ قانا قويماي، ادامداردىڭ ءومىرى مەن دەنساۋلىعىنا ءقاۋىپ توندىرەدى. ءبىز مۇنداي فاكتىلەردى دەر كەزىندە انىقتاپ، جولىن كەسۋگە تىرىسامىز. وسى ارقىلى قالا تۇرعىندارى مەن قوناقتارىنىڭ ءوزىن ءقاۋىپسىز سەزىنۋىن قامتاماسىز ەتكىمىز كەلەدى"، - دەدى اۋەزوۆ اۋداندىق پوليسيا باسقارماسىنىڭ باستىعى دانيار مەڭدەبايەۆ.