الەۋمەتتىك جەلىلەرگە مونيتورينگ جۇرگىزۋ كەزىندە قوعامدىق كولىكتە كەلە جاتىپ تاپانشا كورسەتكەن ەر ادامنىڭ ۆيدەوسى انىقتالدى، دەپ حابارلايدى aqshamnews.kz Polisia.kz-كە سىلتەمە جاساپ.
جەدەل ارەكەت ەتۋ بارىسىندا وقيعاعا قاتىسى بار ادامنىڭ جەكە باسى انىقتالدى. كۇدىكتى ۇستالىپ، پوليسياعا جەتكىزىلدى. ەر ادام كۇزەتشى بولىپ جۇمىس ىستەيتىنىن، ويىنشىق قارۋدى قالا بازارلارىنىڭ بىرىنەن ساتىپ العانىن ايتتى. تەرگەۋ جالعاسىپ جاتىر. كۇدىكتىنىڭ ارەكەتىنە قۇقىقتىق باعا بەرىلەتىن بولادى.