ول جالعىزباستى ادامدارعا شابۋىل جاساعان.
قاراقشىلىق شابۋىل جاساعانى ءۇشىن 32 جاستاعى ا.ەسىمدى ازامات ۇستالدى. ول قىلمىستى الماتى قالاسىنىڭ اۋەزوۆ اۋدانىندا جاساعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتى ۇستالدى جانە، ق ر قپك-نىڭ 128-بابىنا سايكەس، پد-نىڭ ۋاقىتشا ۇستاۋ يزولياتورىنا قامالدى. ول ق ر قك-نىڭ 191-بابى بويىنشا قىلمىستىق قۇقىقبۇزۋشىلىق جاسادى دەگەن كۇدىككە ىلىنگەن. تەرگەۋ بارىسىندا قاسكويدىڭ زاڭسىز بايۋ ماقساتىندا ءوتىپ بارا جاتقان ادامدى ۇرىپ-سوعىپ، تەلەفونى مەن اقشاسىن تارتىپ العانى انىقتالدى. كۇدىكتى ءوز قىلمىسىن مويىندادى. قازىرگى ۋاقىتتا ونىڭ جەكە باسىنىڭ الماتى قالاسىندا وسىعان ۇقساس، بۇرىن جاسالعان قىلمىسقا قاتىسى بار-جوعى تەكسەرىلىپ جاتىر. ءبىز ونىڭ ارەكەتىنىڭ سەريالىق سيپاتىن جوققا شىعارمايمىز»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.