جىل باسىنان بەرى قالادا جولاۋشىلار كولىگىنىڭ قاتىسۋىمەن 173 جول-كولىك وقيعاسى بولدى، سونىڭ سالدارىنان 5 ادام قازا تاپتى، تاعى 212 ادام جاراقات العان، دەپ حابارلايدى aqshamnews.kz Polisia.kz-كە سىلتەمە جاساپ.
– جولاۋشىلاردى تاسىمالداۋدى جۇزەگە اسىراتىن كولىك قۇرالدارى جۇرگىزۋشىلەرىنىڭ جول قوزعالىسى ەرەجەلەرىن بۇزۋ دەرەكتەرىنىڭ الدىن الۋ جانە جولىن كەسۋ ماقساتىندا تۇراقتى نەگىزدە پروفيلاكتيكالىق جۇمىستار جۇرگىزىلىپ جاتىر. اتاپ ايتقاندا، جۇمىس جانە دەمالىس رەجيمىن ساقتاۋ جانە ۇيقىشىلدىقتى جەڭۋدىڭ قاراپايىم ەرەجەلەرى تۋرالى. مىسالى، بىرنەشە دەنە جاتتىعۋلارىن، سالقىن سۋمەن جۋىنۋ، جىلىتاتىن سۋسىندار – شاي، كوفە جانە باسقا دا قاجەتتى دۇنيەلەردى ۇسىنامىز. قاراپايىم دۇنيە سياقتى كورىنگەنىمەن، بۇلار جولاۋشىلار تاسىمالىنىڭ قاۋىپسىزدىگىن قامتاماسىز ەتۋدە ماڭىزدى ءرول اتقارادى. سونىمەن قاتار اۆتوكولىك كاسىپورىندارىنىڭ باسشىلارى مەن مەديسينا قىزمەتكەرلەرىنە كولىك جۇرگىزۋشىلەرىنىڭ شارشاۋ دارەجەسىن انىقتاۋ ءۇشىن كۇندەلىكتى تەكسەرۋدەن وتكىزۋ ۇسىنىلادى، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
اقپارات كوزى Polisia.kz سايتىندا: https://polisia.kz/almaty-politsiyasy-zholaushylar-tasymalynyng-qauipsizdigin-tekserip-zhatyr/