بۇل كۇندەرى قالانىڭ جالپى ءبىلىم بەرەتىن مەكتەپتەرىندە مەكتەپ بىتىرۋشىلەرگە ورتا ءبىلىم تۋرالى اتتەستات تاپسىرۋ ءراسىمى ءوتىپ جاتىر، دەپ حابارلايدى Almaty-akshamy.kz
– بۇل كۇندى جاقسى كوڭىل-كۇيمەن اياقتاۋ وتە ماڭىزدى. سوندىقتان پوليسەيلەر قوعامدىق ءتارتىپ پەن جول قاۋىپسىزدىگىن ساقتاۋعا باعىتتالعان ءبىرقاتار شارانى قولعا الدى. قىزمەتتەر مەن بولىمشەلەردىڭ ىس-ارەكەتتەرىن ۇيلەستىرۋ، جاعدايدىڭ ىقتيمال وزگەرىستەرىنە دەر كەزىندە دەن قويۋ ءۇشىن ءبىزدىڭ بولىمشەدە جەدەل شتاب قۇرىلدى. پاترۋلدىك جاساقتاردى ورنالاستىرۋ جانە پروفيلاكتيكالىق جۇمىستار كۇشەيتىلدى. سونىمەن قاتار بۇل شارالار كامەلەتكە تولماعانداردىڭ قاتىسۋىمەن جاسالاتىن قۇقىق بۇزۋشىلىقتاردىڭ جولىن كەسۋگە باعىتتالعان، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
سونىمەن قاتار الماتى پوليسياسى جول قوزعالىسىنا قاتىسۋشىلاردى جقە قاتاڭ ساقتاۋعا شاقىرادى.
– ەگەمەندى ەلىمىزگە ءبىلىمدى، زاڭعا باعىناتىن، دەنى ساۋ، ار-وجدانى جوعارى جاستار قاجەت ەكەنىن ءاربىر اتا-انانىڭ ەسىنە سالعىم كەلەدى، – دەدى شۋمايەۆ.