الماتى قالالىق پوليسيا دەپارتامەنتىنىڭ جەدەل بولىمشەلەرى جاڭا تەحنولوگيالاردى قولدانىپ، كەشە تۇندە قوعامدا نەگىزسىز دۇربەلەڭ مەن ۇرەي تۋدىرعان جالعان حابارلامالاردىڭ اۆتورلارىن انىقتاپ جاتىر، دەپ حابارلايدى اlmaty-akshamy.kz.
«جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعان»، - دەپ ەسكەرتتى قالانىڭ پوليسيا دەپارتامەنتى.
بۇعان دەيىن ءتارتىپ ساقشىلارى ازاماتتاردى اقپاراتتىق مادەنيەتتى ساقتاۋعا شاقىرىپ، تەك رەسمي اقپارات كوزدەرىنەن الىنعان مالىمەتكە سەنۋدى ۇسىنعان بولاتىن.
ەسكە سالايىق، قاڭتاردىڭ 22-سىنەن 23-ىنە قاراعان ءتۇنى الماتىدا بىرنەشە تولقىنمەن جەر سىلكىندى. رەسمي مالىمەت بويىنشا العاشقى ءدۇمپۋدىڭ امپليتۋداسى 5 باللعا دەيىن جەتكەن.
ەپيسەنترى الماتىدان وڭتۇستىك-شىعىسقا قاراي 264 شاقىرىم جەردە، قىرعىزستان مەن جۇڭگو شەكاراسىندا ورنالاسقان تۇنگى جەر سىلكىنىسى الماتى مەن شىمكەنتتەن بولەك، استانادا جانە قازاقستاننىڭ 5 وبلىسىندا سەزىلگەن.