الماتى پوليسياسى ىشىمدىكتىڭ كەشكى ساتىلۋىن باقىلاۋعا الدى

باستى نازار – قۇقىق بۇزۋشىلىقتىڭ الدىن الۋ.

الكوگول ونىمدەرىن ساتۋعا قاتىستى قازاقستان رەسپۋبليكاسى زاڭناماسىنىڭ تالاپتارىن بۇزۋ دەرەكتەرىن انىقتاۋ ماقساتىندا الماتى پوليسياسى جەرگىلىكتى رەيد جۇرگىزىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.

الماتى قالاسى المالى اۋدانىنىڭ پوليسەيلەرى 21 جاسقا تولماعاندارعا جانە كەشكى ساعات توعىزدان كەيىن الكوگولدىك ونىمدەردى ساتۋعا تىيىم سالىناتىنىن ەسكەرتەتىن كورنەكى ونىمدەر شىعاردى.

«ماقسات – الكوگول ونىمدەرىن، ونىڭ ىشىندە كامەلەتكە تولماعاندارعا ساتۋعا بايلانىستى قۇقىق بۇزۋشىلىقتاردىڭ الدىن الۋ جانە ەسكەرتۋ. ءبىزدىڭ مىندەتىمىز – مۇنداي دەرەكتەردى دەر كەزىندە توقتاتۋ جانە انىقتاۋ، ەرەسەك تۇرعىنداردى بالالار ءۇشىن، ءبىزدىڭ بولاشاعىمىز ءۇشىن جاۋاپكەرشىلىكتى ارتتىرۋعا شاقىرۋ. اقپاراتتىق بروشيۋرالاردا ق ر اقبتك-نىڭ 200-بابىنىڭ تالاپتارىن ناقتى تۇسىندىرەدى جانە الكوگولدى ساتۋ شارتتارىن سيپاتتايدى. ولار حالىق اراسىندا، اسىرەسە، ساۋدا ورىندارىندا بار»، – دەيدى المالى اۋداندىق پوليسيا باسقارماسى باستىعىنىڭ ورىنباسارى دياس دۋانبەكوۆ.