الماتى پوليسيا دەپارتامەنتى، اۋقىمدى ارنايى ءىس-شارا جاساپ جاتىرمىز دەپ وزدەرىن ءجيى قازاقستاننىڭ ءتارتىپ ساقشىلارى رەتىندە تانىستىراتىن تانىمال الاياقتاردىڭ جۇزدەرى بەينەلەنگەن فوتوكوللاج دايىندادى.
الماتى پوليسياسى ينتەرنەت-الاياقتىق دەرەكتەرى جيىلەپ كەتكەنىن ەسكەرتەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتىلەر Whatsapp مەسسەندجەرىندە اككاۋنت اشىپ، اۆاتارلارىنا مەملەكەتتىك مەكەمە نەمەسە جەكە ۇيىم باسشىسىنىڭ سۋرەتىن قويىپ، “ق ر ۇقك كەنەتتەن تەكسەرىپ جاتىر” دەگەن سىلتاۋمەن قاراماعىنداعىلارعا ءۇشىنشى تۇلعالاردىڭ ءارتۇرلى شوتتارىنا شۇعىل اقشا اۋدارۋ قاجەتتىلىگى تۋرالى جازادى. وكىنىشكە قاراي، بۇل تىزبەكپەن الدانعان جاعدايلار بار. سوندىقتان ازاماتتاردىڭ الاياقتاردى كوزبەن كورىپ، ولارمەن ديالوگقا تۇسپەۋى وتە ماڭىزدى»، – دەدى، الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.