بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى پد تەرگەۋ باسقارماسى باسشىسىنىڭ ورىنباسارى، پوليسيا پولكوۆنيگى ايبات مىرزامادييەۆ مالىمدەدى. قازىرگى ۋاقىتتا سوت-مەديسينالىق ساراپتامالار تاعايىندالىپ، جۇرگىزىلۋدە.
الدىن الا نۇسقا بويىنشا، 13 ادامنىڭ ءولىمىنىڭ سەبەبى ىس ءتيىپ، ۋلانۋ بولدى.
"قازا تاپقان 13 ازاماتتىڭ تورتەۋى شەتەلدىكتەر. رەسەي فەدەراسياسىنان ەكى ادام جانە وزبەكستاننان ەكى ادام. ديپلوماتيالىق ارنالار ارقىلى قازا تاپقانداردىڭ تۋىستارى حاباردار ەتىلدى"، - دەدى پوليسيا پولكوۆنيگى ايبات مىرزامادييەۆ.
سونداي-اق، پوليسەي الماتىدا ورتەنگەن حوستەل يەلەرىنىڭ انىقتالعانىن حابارلادى.
"قازىرگى ۋاقىتتا ولاردىڭ قايدا ەكەنىن انىقتاۋ شارالارى قابىلدانۋدا. ءقازىر ءبىز بارلىق قۇجاتتامانى كوتەرىپ جاتىرمىز، جاعداي انىقتالۋدا"، - دەدى الماتى پد تەرگەۋ باسقارماسى باستىعىنىڭ ورىنباسارى ايبات مىرزامادييەۆ.