الماتى پوليسەيلەرى كەمىندە ءتورت ازاماتتى الداپ كەتكەن 18 جاستاعى جىگىتتى ۇستادى.
ءتارتىپ ساقشىلارىنىڭ الدىن الا مالىمەتى بويىنشا، ا.ەسىمدى ازامات ساۋدا جانە ويىن-ساۋىق ورتالىقتارىندا شاعىن الەۋمەتتىك روليك ءتۇسىرۋ ءۇشىن كەلۋشىلەرگە جاقىنداپ، تەلەفوندارىن سۇراعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جابىرلەنۋشىلەردىڭ اراسىندا كۇدىكتىنىڭ تانىسى بار. ول ءتۇسىرىلىم ساپاسى ماڭىزدى ەكەندىگىنە سەندىرىپ، ودان Apple iPhone 11 تەلەفونىن سۇراپ العان. اڭعال ازاماتتار جاس جىگىتتىڭ وتىنىشىنەن باس تارتقان جوق. قولىنا گادجەتتى العاننان كەيىن كۇدىكتى جاسىرىنىپ قالعان. جەدەل ىزدەستىرۋ ءىس-شارالارىن جۇرگىزۋ بارىسىندا 18 جاستاعى ا. ەسىمدى ازامات ۇستالدى. تەرگەۋدىڭ وسى كەزەڭىندە ونىڭ ءتورت الاياقتىق ىسىنە قاتىسى بولۋى مۇمكىن ەكەندىگى جوققا شىعارىلمايدى. ولار بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 190-بابى 3-بولىگىنە سايكەس قىلمىستىق ءىس تىركەلدى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
قىلمىستىق ءىس بويىنشا وزگە دە مالىمەتتەر ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.