جول ءجۇرۋ ەرەجەسىن بۇزعان 327 موتوسيكل جۇرگىزۋشىسى اكىمشىلىك جاۋاپكەرشىلىككە تارتىلدى
جول-كولىك وقيعالارىنىڭ الدىن الۋ جانە ءتيىستى جول قاۋىپسىزدىگىن قامتاماسىز ەتۋ ماقساتىندا اعىمداعى جىلدىڭ 8 ماۋسىمى مەن 12 ماۋسىم ارالىعىندا موتوسيكل جۇرگىزۋشىلەرىنىڭ جقە بۇزۋ دەرەكتەرىن انىقتاۋ ءۇشىن قالا جولدارىندا رەيدتىك ءىس-شارا ءوتىپ جاتىر، دەپ حابارلايدى Almaty-akshamy.kz.
"جىل باسىنان بەرى جول ءجۇرۋ ەرەجەسىن بۇزعان 327 موتوسيكل جۇرگىزۋشىسى اكىمشىلىك جاۋاپكەرشىلىككە تارتىلدى. بۇل كولىك ءتۇرىن باسقاراتىن كەيبىر ازاماتتار ورەسكەل بۇزۋشىلىقتارعا جول بەرىپ، اپاتتىق جاعداي تۋعىزاتىنى جاسىرىن ەمەس. مۇنداي قىلمىستىق ابايسىزدىق ءجيى اۋىر زارداپتارى بار اپاتقا اكەپ سوعادى»، - دەدى، الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى، پوليسيا پودپولكوۆنيگى ەرجان ۇزابايەۆ.
سپيكەر، ازاماتتاردىڭ موتوسيكل جۇرگىزۋشىلەرىنىڭ اگرەسسيۆتى جۇرگىزۋىنە ءجيى شاعىمداناتىنىنا نازار اۋداردى. وسىعان وراي، تىنىشتىقتى بۇزۋ دەرەكتەرىن الدىن الۋ ماقساتىندا رەيدتەر تۇنگى ۋاقىتتا جۇرگىزىلۋدە.