الماتى پوليسياسى ازاماتتىق قارۋ يەلەرىن تەكسەرىپ جاتىر

الماتىدا “ۋچاسكە” جەدەل-پروفيلاكتيكالىق ءىس-شاراسى وتكىزىلىپ جاتىر.

باستى ماقساتتاردىڭ ءبىرى – تىركەلگەن اتىس قارۋىن قولدانۋمەن جاسالۋى مۇمكىن قىلمىستىڭ الدىن الۋ جانە جولىن كەسۋ، سونداي-اق تىركەلگەن قارۋى بار ادامدار اراسىندا قۇقىق بۇزۋشىلىقتىڭ الدىن الۋ. ازاماتتىق جانە قىزمەتتىك قارۋدى ءقاۋىپسىز ۇستاۋ ەرەجەلەرىن ساقتاۋ ماقساتىندا پوليسەيلەر ولاردىڭ يەلەرىن تۇرعىلىقتى جەرى بويىنشا تەكسەرىپ جاتىر، دەپ حابارلايدى aqshamnews.kz Polisia.kz-كە سىلتەمە جاساپ.  

– پوليسەيلەر ءقازىردىڭ وزىندە 9400-دەن استام ازاماتتىق قارۋ يەسىن تەكسەردى، ناتيجەسىندە ولاردىڭ 183-ىندە ازاماتتىق قارۋدى ساقتاۋ شارتتارىن، تىركەۋ جانە قايتا تىركەۋ ەرەجەلەرىن بۇزۋ دەرەكتەرى انىقتالدى. ولار جاۋاپكەرشىلىككە تارتىلدى. اتالعان زاڭ بۇزۋشىلىقتار جويىلعانعا دەيىن 141 بىرلىك ەسەپتە تۇرعان قارۋ تاركىلەندى. سونىمەن قاتار قولدانىستاعى زاڭناماعا سايكەس بارلىق مەنشىك نىسانىنداعى كاسىپورىنداردىڭ، مەكەمەلەردىڭ، ۇيىمداردىڭ جانە ازاماتتاردىڭ رۇقسات بەرۋ جۇيەسىنىڭ ەرەجەلەرىن ساقتاۋىن باقىلاۋدى قامتاماسىز ەتۋ بويىنشا ۇيىمداستىرۋشىلىق جانە تاجىريبەلىك شارالار قابىلدانىپ جاتىر، – دەدى الماتى قالاسى پد اكىمشىلىك پوليسيا باسقارماسىنىڭ باسشىسى اسحات قۇلبايەۆ. 

ءتارتىپ ساقشىلارى ازاماتتاردى قارۋ-جاراق ماسەلەسىنە بەيقام قاراماۋعا شاقىرادى.

– ازاماتتىق جانە قىزمەتتىك قارۋدىڭ اينالىمى سالاسىنداعى بارلىق زاڭنامالىق تالاپتى بۇلجىتپاي جانە ادال ورىنداڭىزدار، رۇقساتتاردىڭ قولدانىلۋ مەرزىمىن جانە ولاردى تۇرعىلىقتى جەرىڭىزدە ساقتاۋ ەرەجەلەرىن قاتاڭ ساقتاڭىزدار، – دەدى اسحات قۇلبايەۆ.