الاياقتار الماتى پوليسيا باستىعىنىڭ اتىنان جالعان حابارلامالار تاراتىپ جاتىر، – دەپ حابارلايدى Polisia.kz.
What’sApp جانە «Telegram مەسسەندجەرىندە بەلگىسىز بىرەۋلەر ءوز پروفيلىنە الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆتىڭ سۋرەتىن پايدالانىپ، ازاماتتارمەن حات جازىسىپ، الاياقتىق ارەكەتتەرگە بارماق بولعان.
– الماتى پوليسياسى، قازىرگى ۋاقىتتا، كۇدىكتى Whatsapp جانە Telegram مەسسەندجەرلەرىندە اككاۋنت اشىپ، اۆاتارلارىنا مەملەكەتتىك مەكەمە نەمەسە جەكە ۇيىم باسشىسىنىڭ سۋرەتىن قويىپ، كەنەتتەن «ق ر ۇقك-نەن تەكسەرىس» كەلىپ جاتىر دەپ، قول استىنداعى قىزمەتكەرلەرگە اقشانى جەدەل تۇردە ءارتۇرلى ءۇشىنشى تۇلعالاردىڭ شوتتارىنا جىبەرۋ قاجەتتىگى تۋرالى جازاتىن الاياقتىق ارەكەتتەرى جيىلەپ كەتكەنىن ەسكەرتەدى. وكىنىشكە قاراي، بۇل تىزبەكتى پايدالانىپ الدايتىن جاعدايلار ءجيى كەزدەسەدى. سوندىقتان ازاماتتارعا كۇدىكتىلەردىڭ ارانداتۋشىلىقتارىنا بوي الدىرماي، مۇنداي حابارلامالار كەلگەن كەزدە، وقيعا تۋرالى ءبىرىنشى كەزەكتە ءوزىنىڭ تىكەلەي باسشىسىنا حابارلاۋى وتە ماڭىزدى، – دەدى الماتى پوليسيا دەپارتامەنتى.
وسىعان بايلانىستى الماتى پوليسياسى ساق جانە قىراعى بولۋعا كەڭەس بەرەدى. مۇنداي جاعدايلاردا ديالوگتى توقتاتىپ، پوليسياعا حابارلاۋ قاجەت.