الماتى پوليسەيلەرى پاتەر ۇرىلارىن ۇستاۋ بويىنشا ارنايى ءىس-شارا جۇرگىزدى، – دەپ حابارلايدى almaty-akshamy.kz Polisia.kz. سىلتەمە جاساپ.
“قىلمىستىق كۆارتەتتى” جەدەل قىزمەتكەرلەر كەزەكتى ۇرلىق جاساعاننان كەيىن بىردەن ۇستادى. ولجامەن كەتىپ بارا جاتقان ۇرىلاردى ارنايى ءبولىمنىڭ قىزمەتكەرلەرى زالالسىزداندىردى.
– بۇل توپتىڭ قۇرامىنا الماتى مەن تۇركىستان وبلىستارىنىڭ 32 جاستان 36 جاس ارالىعىنداعى ءتورت ەر ادام كىرەدى. ۇستاۋعا بىرنەشە مينۋت قالعاندا قاسكويلەر كىلتتى تاڭداۋ ارقىلى اقبۇلاق ىقشام اۋدانىندا ورنالاسقان ۇيلەردىڭ بىرىنە كىرىپ، سول جەردەن بوتەننىڭ جالپى قۇنى 500 مىڭ تەڭگەدەن اساتىن مۇلكىن ۇرلاپ كەتكەن. ۇرلانعان زاتتاردى، تاۋاردى جانە اقشانى تەرگەۋ-جەدەل توبى تاركىلەدى جانە ق ر قك-نىڭ 188-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي رەەسترىنە تىركەلگەن قىلمىستىق ءىس ماتەريالدارىنا تىركەدى. كۇدىكتىلەر ۋاقىتشا ۇستاۋ يزولياتورىنا قامالدى، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
بايانداماشى تەرگەۋدىڭ وسى كەزەڭىندە ۇستالعانداردىڭ قالانىڭ المالى جانە بوستاندىق اۋداندارىنىڭ اۋماعىندا وسىعان ۇقساس تاعى ءۇش ۇرلىققا قاتىستىلىعى دالەلدەنگەنىن اتاپ ءوتتى. كريمينالدىق پوليسيانىڭ مالىمەتىنشە، اشكەرەلەنگەن “ۇرىلار” نەگىزىنەن شاھاردىڭ ورتالىق بولىگىندە جۇرگەن.