سوت-حيميالىق ساراپتاما تاعايىندالدى.
الماتى پوليسەيلەرى ەكوبەكەتتە ەر ادامنان ەسىرتكىنىڭ ءىرى پارتياسىن تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيا قىزمەتكەرلەرى الماتى قالاسىنىڭ 58 جاستاعى تۇرعىنىن ۇستادى، ودان 6 كەلى جاسىل ءتۇستى ۇنتاقتى زات تاركىلەندى.
«ينسپەكتورلار ەكولوگيالىق بەكەتتە ۆاز-2109 كولىگىن توقتاتتى. جەكە ءتىنتۋ بارىسىندا 58 جاستاعى ا.ەسىمدى ازاماتتىڭ قالتاسىنان پسيحوتروپتىق زات سالىنعان بۋما تابىلىپ، تاركىلەندى. كولىكتەن جاسىل ءتۇستى ۇنتاقتى زاتى بار ءۇش بايلام سالىنعان سومكە تابىلدى. تاركىلەنگەن ءشوپتىڭ جالپى سالماعى شامامەن 6 كەلىنى قۇرايدى. بۇل دەرەكتى الاتاۋ اۋداندىق پب-نىڭ جەدەل تەرگەۋ توبى تىركەدى. سوت-حيميالىق ساراپتاما تاعايىندالدى»، — دەدى الماتى قالالىق پد پاترۋلدىك پوليسيا پولكىنىڭ كومانديرى باۋىرجان حانتەمىروۆ.
سونىمەن قاتار، مەديسينالىق تەكسەرۋ جۇرگىزىلىپ، ناتيجەسىندە ۇستالعان ازاماتتىڭ ەسىرتكىگە ماس بولعانى انىقتالدى. ونىڭ ايتۋىنشا، بۇل زاتتى ءوزى قولدانۋى ءۇشىن العان.