الماتى پوليسەيلەرى تۇرعىن ۇيلەردىڭ بىرىندە ەسىرتكى قويىپ كەتۋشىلەردى ۇستادى.
ءتارتىپ ساقشىلارى ولاردان 40 بۋما ماريحۋانانى تاركىلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«پاترۋلدىك ەكيپاج "كەمەل" شاعىناۋدانىندا كۇدىك تۋعىزعان ەكى جاس جىگىتتى بايقاپ قالعان. جەكە ءتىنتۋ كەزىندە ولاردىڭ بىرىنەن وسىمدىك تەكتەس، جاسىل ءتۇستى، ەرەكشە ءيىسى بار زات تابىلدى. ۇستالعاندار – 2002 جىلى تۋعان ك.ەسىمدى ازامات جانە 1999 جىلعى ج.ەسىمدى ازامات. ولار تاۋاردى ساتۋ ءۇشىن الىپ، تۇرعىن ءۇي اۋماعىندا بەتبەلگىلەر جاساعانىن ايتتى. ينتەرنەت ارقىلى ولار «جۇمىس بەرۋشىگە» جاسالعان جۇمىسى تۋرالى بايانداپ، سۋرەتى مەن گەولوكاسياسى بار مەكەنجايدى جىبەرىپ وتىرعان»، – دەيدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
اتالعان دەرەك بويىنشا ق ر قك-نىڭ 297-بابىنا سايكەس قىلمىستىق ءىس تىركەلدى. جەدەل قىزمەتكەرلەر ەسىرتكىنىڭ ساتىلۋ تىزبەگىن جانە جەتكىزۋ ارناسىن قاداعالاۋى كەرەك. تەرگەۋ بارىسىندا ۇستالعاندار ۋاقىتشا ۇستاۋ يزولياتورىنا قامالدى.