الماتى پوليسەيلەرى ەكى ۇرلىقتىڭ بەتىن اشتى

الماتى قالاسى جەتىسۋ اۋدانىنىڭ پوليسيا قىزمەتكەرلەرى قالا دۇكەندەرىندە جاسالعان ەكى ۇرلىقتىڭ بەتىن اشتى.

ءبىرىنشى جاعدايدا قاسكوي سپورت دۇكەنىنەن كروسسوۆكالاردى ۇرلاپ كەتكەن. تاعى بىرىندە – جەڭىل اقشاعا قۇمار ادام 45 مىڭ تەڭگەنىڭ تۇتىنۋ تاۋارلارىن قولدى قىلعان. ەكى قىلمىس تا بەينەباقىلاۋ كامەرالارىنا جازىلىپ قالعان، دەپ حابارلايدى Almaty-akshamy.kz

«جەدەل-ىزدەستىرۋ ءىس-شارالارىنىڭ ناتيجەسىندە اتالعان قىلمىستى جاسادى دەگەن كۇدىكپەن 1969 جىلى تۋعان س.ەسىمدى ازامات جانە 1986 جىلعى ك.ەسىمدى ازامات ۇستالدى. ەكى ايىپتالۋشىعا قاتىستى ق ر قك-نىڭ 188-بابى 1-بولىگى بويىنشا قىلمىستىق ىستەر تەرگەلىپ جاتىر. ۇستالعانداردىڭ جەكە باسى باسقا دا ىقتيمال ەپيزودتارعا قاتىسى بار-جوعىنا تەكسەرىلۋدە»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.