وقۋ جىلىنىڭ اياقتالۋى مەن مەكتەپ ءبىتىرۋ كەشتەرى قارساڭىندا الماتىنىڭ پوليسيا قىزمەتكەرلەرى مەن كولىك جالعا بەرەتىن كومپانيالاردىڭ وكىلدەرى بالالاردىڭ قاۋىپسىزدىگىن تالقىلادى.
ەستەرىڭىزگە سالا كەتەيىك، بالالاردىڭ جول-كولىك جاراقاتىنىڭ الدىن الۋ، سونداي-اق كوشەلەر مەن جولدارداعى ءقاۋىپسىز ءجۇرىس-تۇرىس داعدىلارىن بەكىتۋ، بالالار مەن جاسوسپىرىمدەردى تۇراقتى تۇراتىن جەرلەرى جانە وقۋ ورىندارىنداعى كولىكتىك ورتاعا بەيىمدەۋ ماقساتىندا جازعى دەمالىس بارىسىندا 20-30 مامىر ارالىعىندا “نازار اۋدارىڭىز، بالالار!” جەدەل الدىن الۋ ءىس-شاراسى وتكىزىلىپ جاتىر، دەپ حابارلايدى Almaty-akshamy.kz.
"كۇن تارتىبىندە مەكتەپ ءبىتىرۋ ءراسىمى قارساڭىندا بالالاردىڭ قاۋىپسىزدىگىن قامتاماسىز ەتۋ وزەكتى ماسەلە بولىپ وتىر. وتكەن جىلدارداعى تاجىريبەگە سۇيەنە وتىرىپ، ءبىز الدىن الا جۇمىس كەڭەسىنە باستاماشىلىق جاساپ، وعان قاتىسۋشىلاردى كامەلەتكە تولماعاندارعا كولىك بەرۋگە تىيىم سالۋ تۋرالى حاباردار ەتتىك. سونىمەن قاتار ليمۋزين جانە باسقا دا جالعا بەرىلەتىن كولىك جۇرگىزۋشىلەرىنىڭ نازارىن جول قوزعالىسى ەرەجەلەرىن بۇزباۋعا اۋداردىق. ادەتتە، جاسوسپىرىمدەر تەرەزەدەن، ليۋكتەردەن باسىن شىعارادى، كارتەجدەر ۇيىمداستىرادى. كەزدەسۋ، جالپى العاندا، سىندارلى ديالوگ تۇرىندە ءوتتى"، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باسشىسى سەرىك شۋمايەۆ.